താനും പാകിസ്താൻ മുൻ താരം മുഹമ്മദ് യൂസഫും ( ജോസഫ് യുഹാന) ചേർന്ന് ക്രിക്കറ്റ് ഇതിഹാസം ബ്രയാൻ ലാറയെ മതംമാറ്റാൻ ശ്രമിച്ചെന്ന തുറന്നുപറച്ചിലുമായി മുൻ പാക് നായകൻ ഇൻസമാം ഉൾഹഖ്. പാകിസ്താനിൽ ടെസ്റ്റ് പരമ്പരക്കായി എത്തിയപ്പോൾ അദ്ദേഹത്തെ യൂസഫ് ഡിന്നറിന് ക്ഷണിച്ചെന്നും അവിടെവെച്ച് അദ്ദേഹത്തെ ഇരുവരും ചേർന്ന് മതം മാറ്റാൻശ്രമിച്ചെന്നും ഇൻസമാം പറഞ്ഞു. ഒരു സ്വകാര്യ പരിപാടിയിൽ പങ്കെടുത്ത് നടത്തിയ പ്രഭാഷണത്തിലായിരുന്നു ഇൻസമാമിന്റെ വെളിപ്പെടുത്തൽ.
ടെസ്റ്റ് പരമ്പരയുടെ ഭാഗമായി കറാച്ചിയിൽ എത്തിയപ്പോഴായിരുന്നു സംഭവം. മുഹമ്മദ് യൂസഫ് ലാറയെ ഡിന്നറിന് ക്ഷണിച്ചു. ഇസ്ലാമിനെ കുറിച്ച് ലാറയെ പഠിപ്പിക്കുക എന്നതായിരുന്നു യൂസഫിന്റെ ലക്ഷ്യം. അത് അദ്ദേഹം എന്നോട് നേരത്തേ പറഞ്ഞിരുന്നു. ക്ഷണപ്രകാരം അദ്ദേഹം എത്തുകയും ഞങ്ങൾ ഇരുവരും ചേർന്ന് അദ്ദേഹത്തിന് ഇസ്ലാം എന്താണെന്ന് മനസിലാക്കിക്കൊടുക്കാനും ശ്രമിച്ചു. അദ്ദേഹം കാര്യങ്ങൾ ഞങ്ങളിൽ നിന്നും ചോദിച്ചറിഞ്ഞു. എങ്ങനെയാണ് പ്രവാചകനിൽ വിശ്വസിക്കുന്നതെന്നും മാതാപിതാക്കളോടും ഭാര്യയോടും കുട്ടികളോടും എങ്ങനെയാണ് ഞങ്ങൾ പെരുമാറുന്നതെന്നും അദ്ദേഹം ചോദിച്ച് മനസിലാക്കി. എന്നാൽ എല്ലാം മനസിലാക്കിയ ശേഷം അദ്ദേഹം ഒന്നും മിണ്ടാതെ കുറേ നേരം ഇരുന്നു. ഇൻസമാം പറഞ്ഞു.
നിലവിൽ പാക് ചീഫ് സെലക്ടറാണ് ഇൻസമാം ഉൾഹഖ്. 16 വർഷത്തോളം പാക് ടീമിന്റെ ഭാഗമായിരുന്ന അദ്ദേഹം വളരെ കാലം പാക് നായകനായിരുന്നു. ഒരു പതിറ്റാണ്ടിലധികം പാക് ടീമിന്റെ ഭാഗമായിരുന്നു യൂസഫ് യുഹാന. ജോസഫ് യുഹാന എന്നായിരുന്നു അദ്ദേഹത്തിന്റെ ആദ്യ പേര്. ക്രിസ്തു മതത്തിൽ നിന്നും ഇസ്ലാമിലേക്ക് പരിവർത്തനം ചെയ്യപ്പെട്ടതോടെ യൂസഫ് യുഹാന എന്ന പേര് സ്വീകരിക്കുകയായിരുന്നു.
Chief selector, Pak cricket shares secrets of success behind Pak cricket. Pakistani cricketers invite foreign players over dinner and start asking them to convert to Islam at dining table.
Meanwhile in India- Inzi bhai, big fan. You are a true gentleman.pic.twitter.com/E9LwjspSv7
— Pakistan Untold (@pakistan_untold) October 5, 2023
ഇൻസമാമിന്റെ ഇപ്പോൾ പുറത്തുവന്നിരിക്കുന്ന തുറന്നു പറച്ചിൽ ഒരു വർഷത്തോളം പഴക്കമുള്ളതാണ്. മാത്യു ഹെയ്ഡന്റെ ഇസ്ലാം അനുകൂല പരാമർശം സമൂഹമാദ്ധ്യമങ്ങളിൽ ചർച്ചയായതിന് പിന്നാലെയാണ് വീഡിയോ വീണ്ടും ഉയർന്ന് വന്നത്.
