ലോകകപ്പ് ക്രിക്കറ്റിന് തുടക്കമായതോടെ ക്രിക്കറ്റ് ആരാധകരായ ഉപയോക്താക്കൾക്ക് വേണ്ടി കൂടുതൽ ഓഫറുകൾ പ്രഖ്യാപിച്ച് ജിയോ. ഡിസ്നി+ഹോട്ട്സ്റ്റാർ പ്ലാനുകളാണ് ക്രിക്കറ്റ് ആരാധകർക്ക് വേണ്ടി ജിയോ പ്രഖ്യാപിച്ചിരിക്കുന്നത്. ഡാറ്റ, അൺലിമിറ്റഡ് വോയ്സ്, ഡിസ്നി+ഹോട്ട്സ്റ്റാർ മൊബൈൽ സബ്സ്ക്രിപ്ഷൻ എന്നിവയുള്ള പ്രതിമാസ, ത്രൈമാസ, വാർഷിക പ്രീപെയ്ഡ് പ്ലാനുകളാണ് ജിയോ അവതരിപ്പിച്ചിരിക്കുന്നത്.
328 രൂപയുടെ അടിസ്ഥാന പ്ലാനിൽ 28 ദിവസത്തേക്ക് പ്രതിദിനം 1.5 ജിബി ഹൈസ്പീഡ് ഡാറ്റയും മൂന്ന് മാസത്തെ ഡിസ്നി+ഹോട്ട്സ്റ്റാർ മൊബൈൽ സബ്സ്ക്രിപ്ഷനും ലഭിക്കും. 84 ദിവസത്തേക്ക് പ്രതിദിനം 1.5 ജിബി അതിവേഗ ഡാറ്റ വാഗ്ദാനം ചെയ്യുന്ന 758 രൂപയുടെ പ്ലാനിലും മൂന്ന് മാസത്തെ ഡിസ്നി+ഹോട്ട്സ്റ്റാർ മൊബൈൽ സബ്സ്ക്രിപ്ഷനുമുണ്ട്.
ഇതിന് പുറമേ 388 രൂപയുടെയും 808 രൂപയുടെയും പ്ലാനുകൾക്ക് 28 ദിവസം 84 ദിവസം എന്നിങ്ങനെ പ്രതിദിനം രണ്ട് ജിബി അതിവേഗ ഡാറ്റ വാഗ്ദാനം ചെയ്യുന്നുണ്ട്. മൂന്ന് മാസത്തെ ഡിസ്നി+ഹോട്ട്സ്റ്റാർ മൊബൈൽ സബ്സ്ക്രിപ്ഷനും ഇതിലൂടെ ലഭിക്കും.
