റിസർവ് ബാങ്ക് ഓഫ് ഇന്ത്യ അസിസ്റ്റന്റ് തസ്തികയിലേക്കുള്ള പരിഷ്കരിച്ച പരീക്ഷാ തീയതികൾ പുറത്തുവിട്ടു. വിജ്ഞാപനപ്രകാരം ഓൺലൈൻ പ്രിലിമിനറി പരീക്ഷ നംവംബർ 18, 19 തീയതികളിൽ സംഘടിപ്പിക്കും. ഓൺലൈൻ മെയിൻ പരീക്ഷ ഡിസംബർ 31-നും നടത്തും. കൂടുതൽ വിവരങ്ങൾ ഔദ്യോഗിക വെബ്സൈറ്റായ .rbi-ൽ ഉദ്യോർഗാർത്ഥികൾക്ക് പരിശോധിക്കാം.
മുമ്പ് പ്രിലിമിനറി പരീക്ഷ ഒക്ടോബർ 21, ഒക്ടോബർ 23 തീയതികളിൽ നടത്താനായിരുന്നു തീരുമാനിച്ചിരുന്നത്. മെയിൻ പരീക്ഷ ഡിസംബർ 2-ന് നടത്താനാണ് നിശ്ചയിച്ചിരുന്നത്. ഈ തീയതികളാണ് ഇപ്പോൾ പരിഷ്കരിച്ചതായി വിജ്ഞാപനം പുറപ്പെടുവിച്ചിരിക്കുന്നത്. പരീക്ഷയ്ക്ക് അപേക്ഷിക്കാനുള്ള അവസാന തീയതി ഒക്ടോബർ 4-ന് അവസാനിച്ചിരുന്നു.
