ഇന്ത്യയുടെ ബാഡ്മിന്റണ് സൂപ്പര് ജോഡിയായ സാത്വിക് സായി രാജ്- ചിരാഗ് ഷെട്ടി സഖ്യത്തിന് ബാഡ്മിന്റണ് റാങ്കിംഗില് കുതിപ്പ്. ലോക ബാഡ്മിന്റണില് പുരുഷ ഡബിള്സ് വിഭാഗത്തില് ഒന്നാം റാങ്കിലെത്തിയാണ് ഇന്ത്യന് ജോഡി ചരിത്രം രചിച്ചത്. ഈ നേട്ടം കൈവരിക്കുന്ന ആദ്യ ഇന്ത്യന് താരങ്ങളാണ് ഇരുവരും.
ഏഷ്യന് ഗെയിംസിലെ മികച്ച പ്രകടനമാണ് ഇന്ത്യന് ജോഡികള്ക്ക് കരുത്തായത്. ഇന്ഡോനേഷ്യയുടെ ഫജര് അല്ഫിയന്, മുഹമ്മദ് റിയാന് അഡ്രിയാന്റോ സഖ്യത്തെ പിന്തള്ളിയാണ് ഇന്ത്യന് ജോഡികള് ബിഡബ്ല്യുഎഫ് റാങ്കിംഗ് പ്രകാരം ലോകത്തിലെ ഏറ്റവും മികച്ച ടീമായത്.
ഇന്ത്യന് ജോഡിക്ക് 92,411 പോയിന്റുണ്ട്. ഏഷ്യന് ഗെയിംസ് ഫൈനലില് ദക്ഷിണ കൊറിയന് ജോഡികളായ സോള് ഗ്യു ചോയി-വോന് ഹോ കിമ്മിനെ പരാജയപ്പെടുത്തിയതോടയാണ് ഇന്ത്യന് സഖ്യം റാങ്കിംഗില് ഒന്നാമതെത്തിയത്.സാത്വിക്-ചിരാഗ് സഖ്യത്തിന് മുമ്പ്, ബിഡബ്ല്യുഎഫ് റാങ്കിംഗില് ശ്രദ്ധേയമായ നേട്ടമുണ്ടാക്കിയത് വി.ദിജു-ജ്വാല ഗുട്ട, ജ്വാല ഗുട്ട-അശ്വിനി പൊന് സഖ്യങ്ങളായിരുന്നു.
