ദുബായ്: ഐ.സി.സിയുടെ സെപ്റ്റംബറിലെ മികച്ച പുരുഷ താരത്തെ കണ്ടെത്താനുള്ള നോമിനേഷൻ പട്ടികയിൽ ഉൾപ്പെട്ട് രണ്ട് ഇന്ത്യൻ താരങ്ങൾ. ഓപ്പണർ ശുഭ്മാൻ ഗില്ലും പേസർ മുഹമ്മദ് സിറാജുമാണ് നോമിനേഷൻ പട്ടികയിൽ ഇടംപിടിച്ചത്.
ഏഷ്യാ കപ്പിലെ മികച്ച പ്രകടനമാണ് ഗില്ലിനും സിറാജിനും ഗുണമായത്. ന്യൂസിലൻഡിനെതിരായ ഏകദിന പരമ്പരയിൽ മികച്ച പ്രകടനം കാഴ്ചവെച്ചതാണ് ഡേവിഡ് മലനെയും പുരസ്കാരത്തിനരികിലെത്തിച്ചത്. ഏഷ്യാകപ്പ് ഫൈനലിലെ 6 വിക്കറ്റ് പ്രകടനം സിറാജിനും ഗുണകരമായി. ഏഷ്യ കപ്പിലെ പ്രകടനത്തോടെ സിറാജ് ലോക റാങ്കിംഗിൽ ഒന്നാം സ്ഥാനത്തേക്ക് ഉയർന്നിരുന്നു.
ഏഷ്യ കപ്പിലെ മികച്ച ഫോമും ഏകദിന ക്രിക്കറ്റിലെ മിന്നും പ്രകടനവും ഗില്ലിനെ രണ്ടാം തവണയും പുരസ്കാര സാധ്യതാ പട്ടികയിലെത്തിക്കുന്നത്. ഈ വർഷം ജനുവരിയിലും ഗിൽ ഐസിസിയുടെ മികച്ച പുരുഷതാരമായിരുന്നു. ഇംഗ്ലണ്ട് താരം ഡേവിഡ് മലനാണ് പട്ടികയിൽ ഇടം പിടിച്ച മൂന്നാമൻ.
