വീട്ടിലൊരു സ്മാർട് സ്പീക്കർ ഉണ്ടെങ്കിൽ നന്നായിരിക്കുമെന്ന് ചിന്തിക്കുന്നവരാണ് നമ്മളിൽ പലരും. വോയ്സ് കമാൻഡുകളിലൂടെ നിയന്ത്രിക്കാനാകുന്ന വയർലെസ് സ്പീക്കറുകളാണ് സ്മാർട്ട് സ്പീക്കറുകൾ. കൂടാതെ ആമസോൺ അലക്സ, ഗൂഗിൾ അസിസ്റ്റന്റ്, ആപ്പിൾ സിരി പോലുള്ള ബിൽറ്റ് ഇൻ വെർച്വൽ അസിസ്റ്റന്റ് സംവിധാനവുമുണ്ട്. സംഗീതം പ്ലേ ചെയ്യുക, ചോദ്യങ്ങൾക്ക് ഉത്തരം നൽകുക, അലാമുകളും ടൈമറുകളും സെറ്റ് ചെയ്യാനും സ്മാർട്ട് ഹോം ഉപകരണങ്ങൾ നിയന്ത്രിക്കുന്നതിനും ഈ സ്മാർട്ട് സ്പീക്കറുകൾ ഉപയോഗിക്കാനാകും.
സ്മാർട്ട് സ്പീക്കറുകൾ വൈഫൈ പ്രവർത്തന ക്ഷമമാണ്. കൂടാതെ സ്മാർട് ഹോം ഇകോ സിസ്റ്റമായ ഇവ വീട്ടിലെ മറ്റ് ഉപകരണങ്ങളുമായി കണക്ട് ചെയ്യാൻ സാധിക്കും. ഇടത്തരം സ്മാർട് സ്പീക്കറുകൾ ഏകദേശം 3,000 രൂപ മുതൽ 30,000 രൂപ വരെയാണ് വില. സ്മാർട് സ്പീക്കർ ശബ്ദ നിലവാരത്തിൽ വളരെയധികം വ്യത്യാസമുണ്ട്. കൂടാതെ നിരവധി ഫീച്ചറുകളും ഇത് വാഗ്ദാനം ചെയ്യുന്നുണ്ട്.
ആവശ്യമായ ഫീച്ചറുകൾ ഇതിൽ ഉണ്ടെന്ന് ഉറപ്പു വരുത്തിയതിന് ശേഷം മാത്രമേ വാങ്ങാവൂ. കാരണം പല സിസ്റ്റത്തിലും പല സവിശേഷതകളാണ് ഉൾപ്പെടുത്തിയിരിക്കുന്നത്. ഉദാഹരണത്തിന് ചിലതിൽ ബിൽറ്റ് ഇൻ സ്ക്രീനുകൾ ഉണ്ടെങ്കിലും മറ്റ് പലതിലും ഇത് ഉണ്ടാകണമെന്നില്ല. മറ്റൊരു പ്രധാന സവിശേഷത വോയിസ് അസിസ്റ്റന്റ് ആണ്. ആമസോൺ അലക്സ,ഗൂഗിൾ അസിസ്റ്റന്റ് ആപ്പിൾ സിരി എന്നിങ്ങനെ പല ബിൽറ്റ് ഇൻ വോയ്സ് അസിസ്റ്റന്റുമാരാണ് സ്മാർട്ട് സ്പീക്കറുകളിൽ ഉള്ളത്. ഉപയോക്താക്കൾക്ക് ഇഷ്ടപ്പെടുന്ന വോയ്സ് അസിസ്റ്റന്റ് നോക്കി സ്മാർട് സ്പീക്കർ തിരഞ്ഞെടുക്കാവുന്നതാണ്.