എഞ്ചിനീയറിംഗ് ബിരുദധാരികൾക്ക് സംസ്ഥാന സർക്കാരിന് കീഴിൽ പ്രവർത്തിക്കുന്ന വിവിധ സ്ഥാപനങ്ങളിലേക്ക് വേതനത്തോട് കൂടി ഇന്റേൺഷിപ്പിന് അപേക്ഷിക്കാൻ അവസരം. കെ-ഫോൺ, കില, റീബിൽഡ് കേരള പദ്ധതി എന്നീ സ്ഥാപനങ്ങളിലാണ് അവസരം ലഭ്യമാകുക. അസാപ് കേരള മുഖേനയാണ് അപേക്ഷ സമർപ്പിക്കേണ്ടത്.
കെ-ഫോണിൽ ഫീൽഡ് എഞ്ചീനിയർ
പ്രതിമാസം 10,000 രൂപയും യാത്ര ബത്തയും ലഭിക്കും. പത്തനംതിട്ട, കോട്ടയം, ഇടുക്കി, പാലക്കാട്, കോഴിക്കോട് എന്നീ ജില്ലകളിൽ ഓരോ ഒഴിവുണ്ട്. കൂടാതെ ആലപ്പുഴ, എറണാകുളം, കണ്ണൂർ, കാസർകോഡ് എന്നീ ജില്ലകളിൽ രണ്ട് ഒഴിവുകളുമാണ് ഉള്ളത്. ബിടെക്- ഇലക്ട്രിക്കൽ ആൻഡ് ഇലക്ട്രോണിക്സ്,ഇലക്ട്രോണിക്സ് കമ്മ്യൂണിക്കേഷൻ, കമ്പ്യൂട്ടർ സയൻസ് എഞ്ചിനീയറിംഗ് എന്നിവയാണ് യോഗ്യത.
കെ-ഫോംൺ കോർപ്പറേറ്റ് ഓഫീസിൽ ട്രെയിനി എഞ്ചിനീയർ
10,000 രൂപ സ്റ്റൈപ്പന്റോട് കൂടിയാണ് ജോലി. തിരുവനന്തപുരം ജില്ലയിൽ നാല് ഒഴിവുകളും എറണാകുളം ജില്ലയിൽ മൂന്ന് ഒഴിവുകളുമാണ് ഉള്ളത്. ബിടെക്-
ഇലക്ട്രിക്കൽ ആൻഡ് ഇലക്ട്രോണിക്സ്, ഇലക്ട്രോണിക്സ് ആൻഡ് കമ്യൂണിക്കേഷൻ, കംപ്യൂട്ടർ സയൻസ് എഞ്ചിനീയറിംഗ് എന്നിവയാണ് യോഗ്യത.
കിലിയിൽ എഞ്ചിനീയറിംഗ് ഇന്റേൺ
മലപ്പുറം ജില്ലയിലാണ് ഒഴിവുകളുള്ളത്. 24,040 രൂപ മാസ പ്രതിഫലമായി ലഭിക്കും. ബിടെക്-സിവിൽ എഞ്ചിനീയറിംഗ് ആണ് യോഗ്യത.
റീബിൽഡ് കേരള ഇനിഷ്യേറ്റീവിൽ ഇന്റേൺ ഒഴിവുകൾ
പ്രതിമാസം 15,000 രൂപ ലഭിക്കും. എംടെക്-സ്ട്രെക്ടചറൽ എഞ്ചിനീയറിംഗ്, ട്രാൻസ്പോർട്ട് എഞ്ചിനീയിറിംഗ് എന്നിവയാണ് യോഗ്യത. തിരുവനന്തപുരത്ത് മൂന്ന് ഒഴിവുകളാണ് ഉള്ളത്.
രജിസ്ട്രേഷൻ ഫീസായി 500 രൂപയാണ് അടക്കേണ്ടത്. എഴുത്തു പരീക്ഷയും അഭിമുഖവും ഉണ്ടാകും.ഒക്ടോബർ 19 വരെ അപേക്ഷിക്കാൻ സാധിക്കും.
