കൊച്ചി: നടൻ കുണ്ടറ ജോണി(69) അന്തരിച്ചു. ഹൃദയാഘാദത്തെ തുടർന്ന് കൊച്ചിയിലെ സ്വകാര്യ ആശുപത്രിയിൽ വച്ചായിരുന്നു അന്ത്യം. നാളുകളേറയായി ശരീരിക പ്രശ്നങ്ങളെ തുടർന്ന് ചികിത്സ തേടി വരികയായിരുന്നു നടൻ. സിനിമകളിൽ നിന്ന് ഇടവേളയും എടുത്തിരുന്നു. ഇന്ന് നെഞ്ചുവേദനയെ തുടർന്ന് ആശുപത്രിയിലെത്തിച്ചപ്പോഴായിരുന്നു അന്ത്യം.
വില്ലനേ വേഷങ്ങളിലൂടെയാണ് കുണ്ടറ ജോണി ശ്രദ്ധ നേടിയത്. 1979-ൽ അഗ്നിപർവ്വതം എന്ന ചലച്ചിത്രത്തിലൂടെ അഭിനയ രംഗത്തെത്തി. കിരീടത്തിലെ പരമേശ്വരൻ എന്ന കഥാപാത്രം മാത്രം മതി കുണ്ടറ ജോണിയെ മലയാള സിനിമാ പ്രേക്ഷകർക്ക് ഓർക്കാൻ. നൂറിലധികം സിനിമകളിൽ വേഷമിട്ടിട്ടുണ്ട്.
ഉണ്ണി മുകുന്ദനെ നായകനാക്കി വിഷ്ണു മോഹൻ സംവിധാനം ചെയ്ത മേപ്പടിയാനിലാണ് അവസാനമായി അഭിനയിച്ചത്. സിനിമയ്‌ക്ക് ദേശീയ പുരസ്കാരം ലഭിച്ച ദിവസം തന്നെയാണ് പ്രധാന കഥാപാത്രത്തെ അവതരിപ്പിച്ച കുണ്ടറ ജോണിയുടെ അന്ത്യവും.
