വിജയത്തിന് ശ്രമിക്കാനായിരുന്നു അവന്റെ തീരുമാനം; സിംഗിള്‍ എടുക്കാതെ സെഞ്ച്വറിക്കായി കളിക്കാന്‍ നിര്‍ബന്ധിച്ചത് താന്‍; കെ.എല്‍ രാഹുല്‍

വിരാട് കോഹ്‌ലിയുടെ സെഞ്ച്വറിക്ക് കാരണക്കാരനായത് കെ.എല്‍ രാഹുലായിരുന്നു. ഇന്നിംഗ്‌സില്‍ അവാസ നിമഷങ്ങളില്‍ സ്‌ട്രൈക്കില്‍ വരാതെ പൂര്‍ണമായും കോഹ്‌ലിക്ക് ബാറ്റിംഗ് ചെയ്യാന്‍ അവസരം നല്‍കിയത് രാഹുലായിരുന്നു. സോഷ്യല്‍ മീഡിയയില്‍ ഇതിന്റെ ചര്‍ച്ചകള്‍ കൊഴുക്കുമ്പോള്‍ ഇതിന്റെ കാരണം  വെളിപ്പെടുത്തി രംഗത്തെത്തിയിരിക്കുകയാണ് കെ.എല്‍ രാഹുല്‍.

‘കോഹ്‌ലി യഥാര്‍ത്ഥത്തില്‍ ആശയക്കുഴപ്പത്തിലായിരുന്നു, ‘സിംഗിള്‍സ് എടുക്കാത്തത് നല്ല കാര്യമായി തോന്നുന്നില്ല, ഇത് ഇപ്പോഴും ഒരു ലോകകപ്പാണ്, ഇത് ഇപ്പോഴും ഒരു വലിയ സ്റ്റേജാണ്, ഞാന്‍ എന്റെ നേട്ടങ്ങള്‍ക്ക് ശ്രമിക്കുന്നതായി ആളുകള്‍ കാണുന്നത്  ആഗ്രഹിക്കുന്നില്ല.’ എന്ന് കോഹ്ലി എന്നോട് പറഞ്ഞു’

”വിജയം അടുത്ത് ആണെന്നും നിങ്ങള്‍ക്ക് ഈ നാഴികക്കല്ല് കൈവരിക്കാന്‍ കഴിയുമെങ്കില്‍ നിങ്ങള്‍ ശ്രമിക്കണം” എന്നും ഞാന്‍ അദ്ദേഹത്തിന് മറുപടി നല്‍കി. അവസാനം അദ്ദേഹം സെഞ്ച്വറി നേടി,” കെ എല്‍ രാഹുല്‍ സ്റ്റാര്‍ സ്‌പോര്‍ട്‌സിനോട് പറഞ്ഞു.സെഞ്ച്വറിക്ക് വിരാട് കോഹ്ലിക്ക് 27 റണ്‍സ് വേണ്ട സമയത്ത് ഇന്ത്യക്ക് ജയിക്കാന്‍ 28 റണ്‍സ് മാത്രമെ വേണ്ടിയിരുന്നുള്ളൂ. 97 പന്തില്‍ 6 ഫോറും 4 സിക്സും ഉള്‍പ്പടെ 103 റണ്‍സാണ് കോഹ്ലി നേടിയത്.

Anyone calling Virat Kohli selfish must watch this.. and give your opinion🙄#ViratKohli #selfish #KLRahul #INDvBAN #WorldCup2023 pic.twitter.com/jnRqILCCIp

— Pratik Singha (@Prateek_Singha) October 19, 2023

“>