കന്നട സിനിമയിൽ ഈ അടുത്ത് ഇറങ്ങിയ ഹിറ്റ് ചിത്രമായിരുന്നു സപ്ത സാഗരദാച്ചേ എല്ലോ. കന്നഡ യുവതാരം രക്ഷിത് ഷെട്ടിയായിരുന്നു ചിത്രത്തിലെ നായകൻ. സൈഡ് എ, സൈഡ് ബി, എന്നിങ്ങനെയാണ് ചിത്രത്തിന്റെ റിലീസ് തീരുമാനിച്ചത്. ഇതിൽ സൈഡ് എ സെപ്റ്റംബർ ഒന്നിന് തിയറ്ററുകളിൽ എത്തി. കന്നടയിൽ മാത്രമാണ് ചിത്രം പ്രദർശനത്തിനെത്തിയത്. എന്നാൽ ഒടിടിയിൽ ചിത്രം മലയാളം, തമിഴ്, തെലുങ്ക് ഭാഷകളിൽ കൂടി റിലീസ് ചെയ്തത്. മികച്ച അഭിപ്രായം നേടിയ ചിത്രം ആമസോൺ പ്രൈമിലാണ് റിലീസ് ചെയ്തത്.
ആദ്യ ഭാഗം ഇറങ്ങി ഏഴ് ആഴ്ചക്കുള്ളിൽ സൈഡ് ബി റിലീസ് ചെയ്യുമെന്നായിരുന്നു അണിയറപ്രവർത്തകർ അറിയിച്ചത്. അതായത് ഒക്ടോബർ 27നാണ് രണ്ടാംഭാഗത്തിന്റെ റിലീസ് പ്രഖ്യാപിച്ചിരുന്നത്. സൈഡ് എയുടെ അവസാന ഭാഗത്തിൽ സൈഡ് ബിയുടെ റിലീസ് തീയതിയും അറിയിച്ചിരുന്നു. എന്നാൽ ചില സാങ്കേതിക കാരണങ്ങളാൽ സൈഡ് ബിയുടെ റിലീസ് മാറ്റിവെക്കുകയായിരുന്നു.
View this post on Instagram
ഇപ്പോഴിതാ സപ്ത സാഗരദാച്ചേ എല്ലോ സൈഡ് ബിയുടെ റിലീസ് തീയതി പ്രഖ്യാപിച്ചിരിക്കുകയാണ്. നടൻ രക്ഷിത് ഷെട്ടി തന്നെയാണ് ഇക്കാര്യം അറിയിച്ചത്. സമൂഹമാദ്ധ്യമങ്ങൾ വഴിയാണ് താരം ഇക്കാര്യം അറിയിച്ചത്. ‘വിധിയുടെ ഗതിയിൽ മാറ്റമുണ്ടാകുമോ?.. സപ്ത സാഗരദാച്ചേ എല്ലോ – സൈഡ് ബി നവംബർ 17-ന് കന്നട, തെലുങ്ക്, തമിഴ്, മലയാളം ഭാഷകളിൽ റിലീസ് ചെയ്യും’. എന്നായിരുന്നു രക്ഷിതിന്റെ പോസ്റ്റ്. നേരത്തെ ദീപാവലി ദിനത്തിലേക്കായിരുന്നു ചിത്രത്തിന്റെ റിലീസ് മാറ്റായിരുന്നത്.
സൈഡ് എ, ചിത്രത്തിന്റെ ഒരു ആമുഖമായാണ് അവതരിപ്പിച്ചതെന്നും സൈഡ് ബിയ്ക്കാണ് പ്രധാന്യം നൽകുന്നതെന്നും അണിയറപ്രവർത്തകർ പറഞ്ഞിരുന്നു. ഒക്ടോബർ പകുതിയോടെ പ്രൊമോഷൻ പരിപാടികൾ തുടങ്ങുമെന്നും അണിയറപ്രവർത്തകർ അറിയിച്ചു.
