ധർമ്മശാല; തിരിച്ചുവരവുകൾ എപ്പോഴും പ്രത്യേകതയുള്ളതാണെന്ന് മുഹമ്മദ് ഷമി. ന്യൂസിലൻഡിനെതിരെ മാൻ ഓഫ് ദി മാച്ച് അവാർഡ് വാങ്ങിയ ശേഷം പ്രതികരിക്കുകയായിരുന്നു താരം.
‘തിരിച്ചുവരവുകൾ എപ്പോഴും പ്രത്യേകതയുള്ളതാണ്. ആദ്യമേ ആത്മവിശ്വാസം ലഭിക്കുന്നത് നല്ലതാണ്. നിങ്ങളുടെ ടീം നന്നായി കളിക്കുന്നെങ്കിൽ,ബെഞ്ചിലിരിക്കുന്നത് അത്ര കഠിനമല്ല. അവർ നിങ്ങളുടെ ടീം അംഗങ്ങളാണ്. പുറത്തിരിക്കുമ്പോൾ നിങ്ങൾ അവരെ പിന്തുണയ്ക്കണം. ടീമിന്റെ താത്പ്പര്യത്തിനൊപ്പമാണ് ഞാൻ എന്നും നിൽക്കുന്നത്.
പോയിന്റ് ടേബിളിൽ ടോപ്പിൽ നിൽക്കുന്ന രണ്ടു ടീമുകൾ കളിക്കുമ്പോൾ വിക്കറ്റുകൾ പ്രധാനമാണ്- ഷമി പറഞ്ഞു.ഇന്ന് 10 ഓവറിൽ 54 റൺസ് നൽകി 5 വിക്കറ്റ് വീഴ്ത്തിയ ഷമിയാണ് കിവീസ് ബാറ്റിംഗ് നിരയെ തളച്ചത്.
