ചെന്നൈ : ലോകകപ്പില് പാകിസ്താനെതിരെ ചരിത്രവിജയം നേടിയ അഫ്ഗാന് താരങ്ങള്ക്കൊപ്പം ഡാന്സ് ചെയ്യുന്ന മുന് ഇന്ത്യന് താരം ഇര്ഫാന് പത്താന്റെ ഡാന്സ് വൈറലാകുന്നു . ചെന്നൈയിലെ ചെപ്പോക്ക് സ്റ്റേഡിയത്തില് വിജയം ആഘോഷിക്കുന്ന അഫ്ഗാന് ടീമംഗങ്ങള്ക്കൊപ്പം കമന്റേറ്ററായ ഇര്ഫാനും ചേരുകയായിരുന്നു.
മത്സരശേഷം സ്റ്റേഡിയത്തിൽ വലിയ ആഘോഷങ്ങളാണ് നടന്നത് . . മുന് ഇന്ത്യന് താരവും കമന്റേറ്ററുമായ ഇര്ഫാന് പത്താനും ഗ്രൗണ്ടിൽ ഇറങ്ങി നൃത്തം ചെയ്തു . പങ്കാളിയായി അഫ്ഗാന് സ്പിന്നര് റാഷിദ് ഖാനുമുണ്ടായിരുന്നു .കമന്ററിക്കിടെ അഫ്ഗാന് വിജയം നേടിയാല് റാഷിദിനൊപ്പം ചുവടുകള് വയ്ക്കുമെന്ന് ഇര്ഫാന് പറഞ്ഞിരുന്നു. തുടര്ന്നാണ് വിജയം ആഘോഷിക്കുന്ന അഫ്ഗാന് ടീമിനൊപ്പം ഇര്ഫാന് ചുവടുകള് വച്ചത്.
പാകിസ്താനില് മത്സരത്തിനെത്തുന്ന ഇന്ത്യന് താരങ്ങള്ക്ക് നേരെ നടന്ന മോശം പെരുമാറ്റങ്ങളുടെ വാര്ത്തകള് അടുത്തിടെ ഇര്ഫാന് പങ്കുവച്ചിരുന്നു . പെഷവാറില് പാകിസ്താനെതിരെ കളിക്കുമ്പോള് കാണികളിലൊരാള് തനിക്ക് നേരെ ഇരുമ്പാണി എറിഞ്ഞുവെന്നും അത് തന്റെ മുഖത്ത് കൊണ്ടുവെന്നും ഇര്ഫാന് പറഞ്ഞിരുന്നു.
