പാലക്കാട്: കൊല്ലൂർ മൂകാംബികയിലേക്കുള്ള ടിക്കറ്റ് നിരക്ക് കുത്തനെ ഉയർത്തി കെഎസ്ആർടിസി. മൾട്ടി ആക്സിൽ വാഹനത്തിന് 500 രൂപയും ഡീലക്സിന് 200 രൂപയുമാണ് വർദ്ധിപ്പിച്ചത്. നിലവിൽ തൃശ്ശൂരിൽ നിന്ന് കൊല്ലൂരിലേക്ക് പോവാൻ 1540 രൂപയാണ് ചാർജ്.
തിരികെ കൊല്ലൂരിൽ നിന്ന് കേരളത്തിലേക്കുള്ള ടിക്കറ്റ് നിരക്കിലും സമാന വർദ്ധനവ് ഏർപ്പെടുത്തിയിട്ടുണ്ട്. വിജയദശമി പൂജയോടനുബന്ധിച്ച് ധാരാളം ഭക്തർ യാത്ര ചെയ്യുന്നത് മുന്നിൽ കണ്ടാണ് നിരക്ക് വർദ്ധിപ്പിച്ചിരിക്കുന്നത്.
നേരത്തെ ശബരിമല തീർത്ഥാടന കാലത്തും നിരക്ക് വർദ്ധിപ്പിച്ച് കെഎസ്ആർടിസി അയ്യപ്പ ഭക്തരെ ബുദ്ധിമുട്ടിച്ചിരുന്നു. അതേസമയം കേരളത്തിൽ നിന്ന് കുന്ദാപുര, ബൈന്തൂർ എന്നിവിടങ്ങളിലേക്കുള്ള ട്രെയിൻ ടിക്കറ്റ് നിരക്കിൽ മാറ്റമില്ല എന്നതും ശ്രദ്ധേയമാണ്.
