ന്യൂഡൽഹി : തിന്മയുടെ മേൽ നന്മയുടെ വിജയത്തിന്റെ ആഘോഷമാണ് ദസറ. എല്ലാ വർഷവും രാവണന്റെയും മേഘനാഥന്റെയും കുംഭകരന്റെയും ആയിരക്കണക്കിന് കോലങ്ങൾ രാജ്യത്തുടനീളം നിരവധി സ്ഥലങ്ങളിൽ ദഹിപ്പിക്കപ്പെടുന്നു. അഴിമതി, മയക്കുമരുന്ന് ദുരുപയോഗം തുടങ്ങിയ സാമൂഹിക പ്രശ്‌നങ്ങളുടെ കോലം കത്തിക്കുന്നത് ഡൽഹിയിലെ രാമലീലകളിൽ പണ്ടേ നടക്കാറുള്ളതാണ് . എന്നാൽ ഇത്തവണ ദസറ ആഘോഷങ്ങൾക്കായി ഡൽഹിയിലെ ചെങ്കോട്ട മൈതാനത്ത് കത്തിക്കുന്നത് സനാതന ധർമ്മത്തെ അവഹേളിച്ചവരുടെ കോലങ്ങളാണ് .
ഡൽഹിയിലെ ഐതിഹാസികമായ ചെങ്കോട്ടയുടെ മൈതാനത്ത്, രാമായണത്തിലെ മൂന്ന് എതിരാളികളായ രാവണൻ, മേഘനാദ്, കുംഭകർണ്ണൻ എന്നിവരുടെ പരമ്പരാഗത പ്രതിമകൾക്കൊപ്പം സനാതന ധർമ്മ വിരോധികളുടെ പ്രതിമകളും സ്ഥാപിച്ചിട്ടുണ്ട് . ശ്രീരാമനും സൈന്യവും ധർമ്മത്തിനായുള്ള പോരാട്ടത്തിൽ, ‘സനാതന ധർമ്മത്തെ ആക്രമിക്കുന്നവരെ താഴെയിറക്കൂ’ എന്ന് എഴുതിയ പോസ്റ്ററുകൾക്കൊപ്പം ചെരുപ്പ് മാലകളും ഈ പ്രതിമകളിൽ ഉണ്ട്.
“ രാവണന്റെയും മറ്റും പ്രതിമകൾ 80 മുതൽ 100 അടി വരെ ഉയരത്തിൽ നിൽക്കും, അതേസമയം സനാതൻ ധർമ്മത്തെ ആക്ഷേപിച്ചവരെ പ്രതിനിധീകരിക്കുന്ന പ്രതിമകൾ 6 മുതൽ. 15 അടി വരെ മാത്രം ഉയരമുള്ളതാണ് “ – ഡൽഹിയിൽ രാമലീല പരിപാടികൾ സംഘടിപ്പിക്കുന്ന രാംലീല മഹാസംഘിന്റെ പ്രസിഡന്റ് അർജുൻ കുമാർ പറഞ്ഞു .
ഡിഎംകെ നേതാക്കളായ ഉദയനിധി സ്റ്റാലിൻ, എ രാജ, കോൺഗ്രസിന്റെ പ്രിയങ്ക് ഖാർഗെ എന്നിവരാണ് സനാതന ധർമ്മത്തിനെതിരെ അപകീർത്തികരമായ പരാമർശങ്ങൾ നടത്തിയത്.
