‘നിന്നെ ഒരുപാട് മിസ് ചെയ്യും, എന്റെ കുഞ്ഞിന്റെ പോരാട്ടം അവസാനിച്ചു’; മകന്റെ മരണവാര്‍ത്ത അറിയിച്ച് ഓസ്‌ട്രേലിയന്‍ ക്രിക്കറ്റ് താരം

മെല്‍ബണ്‍: നാലുമാസം പ്രായമുള്ള തന്റെ ആണ്‍കുഞ്ഞ് മരിച്ചതായി ഓസ്‌ട്രേലിയന്‍ ക്രിക്കറ്റ് താരം ഫവാദ് അഹമ്മദ്. സമൂഹമാദ്ധ്യമത്തിലൂടെ താരം തന്നെയാണ് തന്റെ മകന്റെ മരണവാർത്തയെ കുറിച്ച് അറിയിച്ചത്. ആരോഗ്യ പ്രശ്‌നങ്ങളെ തുടർന്ന് കഴിഞ്ഞ കുറച്ച് ദിവസമായി മെൽബണിലെ ആശുപത്രിയിൽ ചികിത്സയിലായിരുന്നു കുട്ടി. തുടർന്ന് തിങ്കളാഴ്ച ഉച്ചയ്‌ക്ക് കുഞ്ഞ് മരിച്ച വിവരം ഫവാദ് തന്റെ എക്സ് പേജിലൂടെ അറിയിക്കുകയായിരുന്നു.

انااللہ وانا الیہ راجعو ن
Till we meet again my little angel 💔,
Unfortunately after a long struggle my little man has lost the painful & tough fight, I believe you are in a better place,we will miss you so much💔,
I hope no one ever goes through this pain,
Request for Prayers 🤲🏽 pic.twitter.com/cpAn29Wvnf

— Fawad Ahmed (@bachaji23) October 23, 2023

‘എന്റെ കുഞ്ഞ് മാലാഖയെ വീണ്ടും കണ്ടുമുട്ടുന്നത് വരെ… എന്റെ കുഞ്ഞിന്റെ വേദനാജനകമായ പോരാട്ടം അവസാനിച്ചു. നിർഭാ​ഗ്യവശാൽ എന്റെ കുഞ്ഞിനെ നഷ്ടമായി അവൻ ഒരു മികച്ച സ്ഥലത്തായിരിക്കുമെന്ന് ഞാൻ വിശ്വാസിക്കുന്നു. നിന്നെ ഞങ്ങൾ ഒരുപാട് മിസ് ചെയ്യും. ഇത്തരം വേദനയിലൂടെ ആരും കടന്നുപോകരുതെന്ന് ഞാൻ ആ​ഗ്രഹിക്കുന്നു, എല്ലാവരുടെയും പ്രാർത്ഥന വേണം ‘- ഫവാദ് എക്സിൽ കുറിച്ചു. ആശുപത്രിയില്‍ ചികിത്സയില്‍ കഴിയവെയുള്ള കുഞ്ഞിന്റെ ചിത്രങ്ങളും ഫവാദ് പങ്കുവച്ചിട്ടുണ്ട്.