കൊച്ചി: കെഎസ്ആർടിസിക്ക് ടൂർ പാക്കേജ് സർവീസുകൾ നടത്താമെന്ന് ഉത്തരവിറക്കി കേരളാ ഹൈക്കോടതി. ടൂർ പാക്കേജ് സർവീസുകൾ നടത്തുന്നതിനെതിരായി സ്വകാര്യ കോൺട്രാക്റ്റ് ക്യാരേജ് ഓപ്പറേറ്റർമാർ നൽകിയ ഹർജി ഹൈക്കോടതി തള്ളി. കെഎസ്ആർടിസിക്ക് ടൂർ പാക്കേജ് സർവീസ് നടത്താൻ നിയമപരമായ അവകാശമുണ്ടെന്നും കോടതി വ്യക്തമാക്കി.
എന്നാൽ പ്രത്യേക സ്ഥലങ്ങളിലേക്ക് ടൂർ സർവീസ് നടത്താനാണ് കെഎസ്ആർടിസിക്ക് പെർമിറ്റ് നൽകിയിട്ടുള്ളത് ഈ സ്ഥലങ്ങളിലേക്ക് സ്വകാര്യ ഓപ്പറേറ്റർമാർക്ക് സർവീസ് നടത്താൻ സാധിക്കില്ല. അതുകൊണ്ട് തന്നെ സ്വകാര്യ കോൺട്രാക്ട് ഓപ്പറേറ്റർമാരുടെ അവകാശങ്ങൾ ഹനിക്കപ്പെടുന്നില്ലെന്നുംഹൈക്കോടതി വ്യക്തമാക്കി.
നിലവിൽ നിരവധി ടൂർ പാക്കേജുകളാണ് കെഎസ്ആർടിസി യാത്രക്കാർക്ക് വാഗ്ദാനം ചെയ്യുന്നത്. കുറഞ്ഞ ചെലവിൽ കൂടുതൽ സ്ഥലങ്ങൾ സന്ദർശിക്കാമെന്ന കാരണത്താൽ ഒട്ടനവധി പേരാണ് കെഎസ്ആർടിസിക്ക് ടൂർ പാക്കേജിൽ യാത്ര നടത്തുന്നത്.
