മെറ്റയുടെ ത്രഡ്സ് പ്ലാറ്റ്ഫോമിൽ പ്രതിമാസ ഉപയോക്താക്കളുടെ എണ്ണം നൂറ് മില്യൺ എത്തിയെന്ന് മാർക്ക് സക്കർ ബർഗ്. ത്രഡ്സ് തുടങ്ങി മൂന്ന് മാസത്തിനുള്ളിൽ ഇത്രയും ഉപയോക്താക്കളെ ലഭിച്ചതിൽ സംതൃപ്തനാണെന്നും അദ്ദേഹം വ്യക്തമാക്കി.
ലോഞ്ച് ചെയ്ത് അഞ്ച് ദിവസത്തിനുള്ളിൽ 100 മില്യണിൽ അധികം ഉപയോക്താക്കളെ ത്രഡ്സ് സ്വന്തമാക്കിയിരുന്നു. ട്വിറ്ററിന് വെല്ലുവിളിയുയർത്തി കഴിഞ്ഞ ജൂലൈയിലാണ് മെറ്റ ത്രെഡ്സ് അവതരിപ്പിച്ചത്. ലോഞ്ചിംഗ് കഴിഞ്ഞ് ദിവസങ്ങൾ പിന്നിട്ടപ്പോൾ 50 ശതമാനത്തോളം ഉപയോക്താക്കളെ നഷ്ടപ്പെട്ടുവെന്ന് ഇലോൺ മസ്ക് വ്യക്തമാക്കിയിരുന്നു.
ലോഞ്ച് ചെയ്ത് ഒരാഴ്ചക്കുള്ളിൽ 49 മില്യൺ പ്രതിദിന ഉപയോക്താക്കൾ ഉണ്ടായിരുന്ന പ്ലാറ്റ്ഫോമിൽ എണ്ണം ഗണ്യമായി കുറഞ്ഞു. 23.6 മില്യണിലേക്ക് ത്രെഡ്സിന് ഇടിവ് സംഭവിച്ചിരുന്നു. ട്വിറ്ററിലേതിന് സമാനമായ ഫീച്ചറുകൾ ഇല്ലാത്തത് പ്ലാറ്റ്ഫോമിന് വെല്ലുവിളികൾ നേരിടേണ്ടി വന്നിരുന്നു.
