ഏകദിന ലോകകപ്പിൽ ഇന്ത്യയോടും തോൽവി വഴങ്ങിയതിനു പിന്നാലെ ഇംഗ്ലണ്ടിനെതിരെ രൂക്ഷവിമർശനവുമായി പാക് മുൻ താരം ഷൊയ്ബ് അക്തർ. ഏകദിന മത്സരം അതെ രീതിയിൽ കളിക്കണമെന്നാണ് താരം പറഞ്ഞത്.
‘ഇംഗ്ലണ്ടിനെയും മോശം തോൽവികളിലേക്ക് നയിക്കാൻ കാരണം ഏകദിന ക്രിക്കറ്റിലേക്ക് അവർ കളിക്കുന്ന ടി20 ക്രിക്കറ്റിന്റെ ബ്രാൻഡ് കൊണ്ടുവന്നതാണ്. ടീം അംഗങ്ങൾക്ക് ആരാണ് ക്രീസിലുറച്ച് നിൽക്കേണ്ടത്.? ആരാണ് ഇനിംഗ്‌സ് കെട്ടിപ്പടുക്കേണ്ടത്.?, എന്നിങ്ങനെയുള്ള കാര്യങ്ങളെക്കുറിച്ച് ധാരണയുമില്ല.
ഏകദിന ലോകകപ്പിൽ നിന്നും ഇംഗ്ലണ്ട് പുറത്താകുന്നത് കാണുന്നതിൽ എനിക്ക് വളരെ സങ്കടമുണ്ട്. ടെസ്റ്റ് മത്സരങ്ങളിൽ അവരുടെ പ്രകടനം മികച്ചതാണ്, എന്നാൽ നിങ്ങൾ ഏകദിനം കളിക്കുമ്പോൾ അതു ഏകദിന മത്സരം തന്നെയായി കളിക്കണം -ഷൊയ്ബ് അക്തർ പറഞ്ഞു.
ക്രിക്കറ്റിൽ ആസൂത്രണത്തിന് വളരെ അധികം പ്രാധാന്യമുണ്ടെന്നും ഓരോ കളിക്കാരനും ടീമിലെ അവരുടെ പങ്ക് മനസിലാക്കി കളിക്കേണ്ടതിന്റെ ആവശ്യകതയും ചൂണ്ടിക്കാട്ടിയാണ് അക്തർ വിമർശനമുയർത്തിയത്.
