‘റോബോട്ടിക് സഹായി’ എന്ന പുതിയ ആശയവുമായി കമ്പ്യൂട്ടർ വിദ്യാഭ്യാസ ശൃംഖലയായ ജി-ടെക്. എഐ സാങ്കേതികവിദ്യയുടെ സാധ്യതകൾ ഉപയോഗപ്പെടുത്തിയ ഗ്ലോറിയ എന്ന് പേരിട്ട റോബോട്ടുകളായിരിക്കും ജി-ടെക് സെന്ററുകളിൽ സ്ഥാപനത്തെ കുറിച്ചുള്ള വിവരങ്ങൾ കൈമാറാൻ സജ്ജമാകുക.
ജി-ടെക് എഡ്യുക്കേഷൻ ചെയർമാൻ ആന്റ് മാനേജിംഗ് ഡയറക്ടർ മെഹറൂഫ് മണലൊടിയാണ് കോഴിക്കോട് വെച്ച് പദ്ധതിയുടെ പ്രഖ്യാപനം നിർവഹിച്ചത്. 2024-ഓടെ ലോകത്തിലെ എല്ലാ സെന്ററുകളിലും റോബോട്ടിക് സഹായി എത്തിക്കുമെന്ന് മെഹറൂഫ് മണലൊടി പറഞ്ഞു.
ഓരോ സെന്ററുകളിലും ജൂനിയർ ഗ്ലോറിയ, സീനിയർ ഗ്ലോറിയ എന്നീ രണ്ട് റോബോട്ടുകളുടെ സേവനം ലഭ്യമാകും കേരളപ്പിറവി ദിനത്തിൽ ഔദ്യോഗികമായി പ്രവർത്തനമാരംഭിക്കുന്ന ഗ്ലോറിയയുടെ സേവനം ജനുവരി ഒന്ന് മുതൽ ലോകത്തെല്ലായിടത്തുമുള്ള ജി-ടെക് സെന്ററുകളിൽ ഉണ്ടാകും.
ജി-ടെക്കിന്റെ പുതിയ കോഴ്‌സുകളായ എനർജി വിദ്യ, ഈസി കൗൺസിൽ സർട്ടിഫിക്കേഷനുകളും ലോഞ്ച് ചെയ്തു. കോഴിക്കോട് നടന്ന ചടങ്ങിൽ ജി-ടെക് ടാലി സംയുക്ത അഭിരുചി പരീക്ഷ വെബ് സൈറ്റ് ലോഞ്ചിങ് ടാലി നാഷണൽ ഹെഡ് രാകേഷ് മേനോൻ നിർവ്വഹിച്ചു. ജനറൽ മാനേജർ കെ.ബി നന്ദകുമാർ മാർക്കറ്റിംഗ് മാനേജർ അൻവർ സാദിക്ക് എന്നിവരും പങ്കെടുത്തു.
