ശ്രീനഗർ: കരസേനാ മേധാവി ജനറൽ മനോജ് പാണ്ഡെ ലഡാക്കിൽ സിയാച്ചിൻ സൈനിക ബേസ് ക്യാമ്പ് സന്ദർശിച്ചു. ഉന്നത ഉദ്യോഗസ്ഥരുമായും നിയന്ത്രണരേഖയിൽ സുരക്ഷാ ചുമതലയുള്ളവരുമായും കരസേനാ മേധാവി പ്രത്യേകം യോഗം ചേർന്നു.
ശൈത്യകാലത്തിന് മുൻപായുള്ള സുരക്ഷാ ക്രമീകരണങ്ങളും തയ്യാറെടുപ്പുകളും അദ്ദേഹം യോഗത്തിൽ അവലോകനം ചെയ്തു. രാജ്യത്തിനായി ജീവൻ നൽകിയ സൈനികരെ ആദരിച്ചുകൊണ്ട് സിയാച്ചിൻ യുദ്ധസ്മാരകത്തിൽ അദ്ദേഹം പുഷ്പചക്രവും സമർപ്പിച്ചു.
