മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര പങ്കുവെയ്‌ക്കുന്ന പോസ്റ്റുകൾ വളരെ പെട്ടന്നാണ് സമൂഹ മാദ്ധ്യമങ്ങളിൽ വൈറലാകാറുള്ളത്. പലപ്പോഴും നർമ്മവും ചിന്തകളും പകരുന്നതാണ് അദ്ദേഹത്തിന്റെ പോസ്റ്റുകൾ. ഇത്തരത്തിൽ ന്യൂയോർക്കിൽ നിന്നും പകർത്തിയ ചിത്രങ്ങളാണ് ഇപ്പോൾ സമൂഹ മാദ്ധ്യമങ്ങളിൽ വൈറലാകുന്നത്.
ന്യൂയോർക്കിൽ വെച്ച് കണ്ട ബോംബേ മിക്‌സ്ച്ചറുകളുടെ ചിത്രങ്ങളാണ് ആനന്ദ് മഹീന്ദ്ര സമൂഹമാദ്ധ്യമമായ എക്‌സിലൂടെ പങ്കുവെച്ചിരിക്കുന്നത്. ‘ ആനന്ദ്’ എന്ന ബ്രാൻഡ് നാമത്തിലാണ് കേരളീയ ഉത്പന്നമായ ഈ മിക്ച്ചർ വിൽക്കപ്പെടുന്നത്. ‘ബ്രാൻഡ് ലംഘനത്തിൽ കേസെടുക്കുന്നതിൽ ഞാൻ വിജയിക്കില്ലെന്ന് അഭിഭാഷകർ പറയുന്നുണ്ട്’ എന്ന ഹാസ്യ രൂപേണയുള്ള അടിക്കുറിപ്പോടെയാണ്് ആനന്ദ് മഹീന്ദ്ര ചിത്രങ്ങൾ പങ്കിട്ടിരിക്കുന്നത്.
Encountered in New York. Lawyers tell me I would not be successful in suing for brand violation… pic.twitter.com/EqUyjn0f8s
— anand mahindra (@anandmahindra) November 3, 2023
“>
ചിത്രങ്ങൾ വൈറലായതോടെ നിരവധി ആളുകളാണ് കമന്റുകളുമായി രംഗത്തെത്തിയത്. ലോകത്തിന്റെ ഏതു കോണിൽ പോയാലും അവിടെ ഭാരതത്തിന്റേതായ ബ്രാൻഡുകൾ കാണാൻ സാധിക്കുമെന്നാണ് ആളുകൾ അഭിപ്രായപ്പെടുന്നത്. അതേസമയം ആത്മനിർഭര ഭാരതത്തെ പ്രതിനിധാനം ചെയ്യുന്നതിന്റെ മറ്റൊരു ഉദാഹരണമാണ് ആനന്ദ് മഹീന്ദ്ര ഈ പോസ്റ്റിലൂടെ വ്യക്തമാക്കുന്നത്.
