ഹിമാലയൻ 411 നിർത്താലാക്കാൻ പോകുന്നുവെന്ന ഞെട്ടിപ്പിക്കുന്ന വാർത്തയുമായി റോയൽ എൻഫീൽഡ്. ഈ മാസം അവസാനത്തോടെ നിലവിലുള്ള മോഡലിനെ ഇന്ത്യയിലെയും വിദേശത്തെയും വിപണിയിൽ നിന്ന് പിൻവലിക്കും. പകരം ഹിമാലയൻ 452 എന്ന മേഡലിന്റെ ആവർത്തനമാകും ഉണ്ടാവുക.
സുഖസൗകര്യങ്ങൾക്കും ഓഫ് റോഡ് റൈഡിംഗിനും പേരുകേട്ടതാണ് ഹിമാലയൻ 411. എന്നിരുന്നാലും ചില പരിമിതികൾ മോഡലിനുണ്ടായിരുന്നു. എല്ലാ പോരായ്മകളെയും മറികടക്കാൻ പുതിയ ഹിമാലയൻ 454 പരിഹരിക്കുമെന്നാണ് പ്രതീക്ഷ.
2016 മുതലാണ് അഡ്വഞ്ചർ മോട്ടോർ സൈക്കിളുകളുടെ സുവർണകാലം ആരംഭിച്ചത്. ഈ സമയത്താണ് റോയൽ എൻഫീൽഡ് ഹിമാലയൻ ആദ്യമായി വിപണിയിൽ അവതരിപ്പിച്ചത്. ഹിമാലയന്റെ പുതുതലമുറയെ പുറത്തിറക്കുന്നതിന്റെ ഭാഗമായാണ് ഹിമാലയൻ 411-നെ പിൻവലിക്കുന്നത്. 24.3 bhp പവറും 32 Nm ടോർക്കും നൽകുന്ന 411 സിസി സിംഗിൾ സിലിണ്ടർ, എയർ കൂൾഡ് എഞ്ചിനാണ് ഹിമാലയൻ 411-ൽ ഉപയോഗിച്ചിരുന്നത്. പുതിയ വാഹനത്തിന് 40 bhp പവറും 40 Nm ടോർക്കും ലഭിക്കിുന്ന 450 സിസി ലിക്വിഡ് കൂൾഡ് എഞ്ചിനാണ് വരുന്നത്.
