കാത്തു സൂക്ഷിച്ചതെല്ലാം വെള്ളത്തിനടിയിലാവാൻ നിമിഷ നേരങ്ങൾ മതിയെന്ന് പല പ്രകൃതി ദുരന്തങ്ങളും നമ്മെ പഠിപ്പിച്ചതാണ്. മാനവരാശിയെ മാത്രമല്ല സർവ്വ ചരാചരങ്ങളെയും പ്രകൃതി ദുരന്തങ്ങൾ ബാധിച്ചതിന്റെ ഒരു കാഴ്ചയാണ് ഇപ്പോൾ കണ്ണുകളെ ഈറനണിയിപ്പിക്കുന്നത്.
പ്രളയത്തെ അതിജീവിച്ച രണ്ട് കുട്ടിക്കുരങ്ങന്മാരാണ് വീഡിയോയിലുള്ളത്. അപ്രതീക്ഷിതമായി എത്തിയ പ്രളയം ഇരുവരുടെയും അമ്മയുടെ ജീവൻ കവർന്നപ്പോൾ എങ്ങനെയോ രണ്ട് കുട്ടിക്കുരങ്ങന്മാരും രക്ഷപ്പെട്ട് ജീവിതത്തിലേക്ക് തിരിച്ചെത്തി. വെള്ളത്തിൽപ്പെട്ട് നനഞ്ഞൊട്ടി വിറച്ചിരിക്കുന്ന കുട്ടിക്കുരങ്ങന്മാർക്ക് ദൈവത്തിന്റെ കൈകൾ എന്ന പോലെ ആരോ ഒരു പാൽ കുപ്പിയിൽ കുറച്ച് പാൽ കുടിക്കാൻ കൊടുക്കുകയാണ്.
പാൽ കുപ്പി തുറന്ന് കൊടുക്കുമ്പോൾ വളരെ ആത്മസംയമനം പാലിച്ചാണ് അവർ അത് കുടിക്കുന്നത്. വിശപ്പും ദാഹവും വളരെയധികം ഉണ്ടെങ്കിലും തന്റെ അവസരത്തിനായി ക്ഷമയോടെ രണ്ടാമത്തെ കുരങ്ങൻ കാത്തിരിക്കുന്നതും പാൽ കുടിച്ച ശേഷം പരസ്പരം ഇരുവരും വാരിപ്പുണരുന്നതും വീഡിയോയിൽ കാണാം.
Baby monkeys are fed after being rescued from the flood.
My heart melted! 💓🤗🤗pic.twitter.com/UBaYdCSFLL— Figen (@TheFigen_) October 31, 2023
“>
സമൂഹ മാദ്ധ്യമമായ എക്സിലൂടെ ഫിജൻ എന്ന ഉപയോക്താവാണ് വീഡിയോ പങ്കുവെച്ചത്. നിമിഷനേരങ്ങൾ കൊണ്ട് നിരവധി ആളുകളാണ് വീഡിയോ കണ്ട് കമന്റുകളുമായി രംഗത്തെത്തിയത്. കുട്ടിക്കുരങ്ങന്മാരുടെ വിവേക ബുദ്ധി മനുഷ്യന്മാർ കണ്ടു പഠിക്കണമെന്ന് തുടങ്ങി നിരവധി കമന്റുകളാണ് വീഡിയോയ്ക്ക് ലഭിച്ചിരിക്കുന്നത്.