കുട്ടികളെന്നോ മുതിർന്നവരെന്നോ പ്രായഭേദമില്ലാതെ എല്ലാവരിലും ഒരു പോലെ പ്രകടമാകുന്ന രോഗമാണ് കൊളസ്ട്രോൾ. മാറി വരുന്ന ഭക്ഷണ രീതികളും വ്യായാമം ഇല്ലാതിരിക്കുന്നതും ജീവിതചര്യകളിലെ മാറ്റങ്ങളും കൊളസ്ട്രോൾ ഉണ്ടാകുന്നതിന് പ്രധാന കാരണങ്ങളാണ്. നിങ്ങൾക്ക് കൊളസ്ട്രോൾ ഉണ്ടോയെന്ന് എങ്ങനെ തിരിച്ചറിയാം? ഈ ലക്ഷണങ്ങളിലൂടെ മനസിലാക്കാം..
കൺപോളകൾക്ക് ചുറ്റുമുള്ള വീക്കം:
സാധാരണ കൊളസ്ട്രോൾ രോഗം ബാധിച്ച ഭൂരിഭാഗം ആളുകളിലും കാണപ്പെടുന്ന ലക്ഷണമാണ് കൺപോളകൾക്ക് ചുറ്റുമുള്ള വീക്കം. ഇത് മഞ്ഞ, വെള്ള നിറത്തിൽ കാണപ്പെടുന്നു. 35 മുതൽ 70 വയസിന് ഇടയിൽ പ്രായമുള്ള വ്യക്തികളിലാണ് ഈ ലക്ഷണങ്ങൾ പ്രധാനമായും പ്രകടമാകാറുള്ളത്.
കോർണിയയ്ക്ക് ചുറ്റുമുള്ള വളയങ്ങൾ
നിങ്ങൾക്ക് കൊളസ്ട്രോൾ ഉണ്ടെന്ന് മുന്നറിയിപ്പ് നൽകുന്ന മറ്റൊരു സൂചനയാണ് കണ്ണുകളിലെ കോർണിയയ്ക്ക് ചുറ്റുമുള്ള വളയങ്ങൾ. വെളുത്തതോ ഇളം ചാരനിറത്തോടെയോ നീല നിറം കലർന്നതോ ആയ വളയങ്ങളാണ് പ്രധാനമായും ഇതിന്റെ ലക്ഷണങ്ങൾ. കോർണിയയ്ക്കു ചുറ്റും കൊഴുപ്പ് അടിഞ്ഞു കൂടുന്നതാണ് ഇതിന് കാരണം. ആർക്കസ് സെനിലിസ് എന്നാണ് ഈ അവസ്ഥയെ പറയുന്നത്.
കണ്ണിനു ചുറ്റുമുള്ള ആവരണം
നിങ്ങളിൽ കൊളസ്ട്രോൾ അമിതമാകുന്നുണ്ടെന്നുള്ള മുന്നറിയിപ്പാണ് കണ്ണുകളിൽ കാണപ്പെടുന്ന ആവരണം. ചുവപ്പു നിറത്തോടെ കണ്ണിലെ രക്തധമനികൾ വ്യക്തമായി കാണപ്പെടുന്ന ഒരുതരം അവസ്ഥയാണിത്. കാഴ്ച ശക്തി കുറയ്ക്കുന്നതിനും ഇത് കാരണമായേക്കാം. ഇത്തരം ലക്ഷണങ്ങൾ നിങ്ങളിൽ പ്രകടമാകുന്നുണ്ടെങ്കിൽ ഉടൻ തന്നെ വൈദ്യ പരിശോധനയ്ക്ക് വിധേയരാകേണ്ടതാണ്.
