വിരാട് കോലി, ആധുനിക ക്രിക്കറ്റിലെ അതികായന്. കഴിഞ്ഞ ദിവസം ഇതിഹാസ താരം സച്ചിന് ടെന്ഡുല്ക്കറുടെ 49 ഏകദിന സെഞ്ച്വറികളെന്ന റെക്കോര്ഡിനൊപ്പം എത്താന് കോലിക്ക് സാധിച്ചിരുന്നു. റെക്കോര്ഡുകള് ഓരോന്ന് തച്ചുടയ്ക്കുന്ന താരത്തിന് റണ്സു പോലെ ഇഷ്ടമുള്ള മറ്റൊരു കാര്യമാണ് ടാറ്റുകള്. 35-കാരന്റെ ശരീരത്തിലാകെ 12 ടാറ്റുകളാണുള്ളത്. അമ്മയുടെയും അച്ഛന്റെയും പേരുമുതല് താന് ആരാധിക്കുന്ന കൈലാസ് നാഥന്റേതടക്കം ടാറ്റുകളാണ് ശരീരത്തിന്റെ വിവിധ ഭാഗങ്ങളില് പച്ചകുത്തിയിരിക്കുന്നത്.
ട്രൈബല് ടാറ്റു
വലതു കൈ തണ്ടയിലാണ് താരത്തിന്റെ ട്രൈബല് ടാറ്റുള്ളത്. അഗ്രെഷനെ പ്രതിനിധാനം ചെയ്യുന്നതാണ് ഈ ടാറ്റു.
ശിവന്( കൈലാസ് നാഥന്)
ഇടതു കൈതണ്ടയിലാണ് കൈലാസ് നാഥന്റെ ടാറ്റുള്ളത്. കൈലാസത്തില് ധാന്യത്തിലായിരിക്കുന്ന ശിവന്റെ ടാറ്റുവാണിത്. തന്റെ പരിമിതകളും വീക്ക്നെസുകളും തകര്ക്കുന്നതിന്റെ പ്രതീകമായിട്ടാണ് ഇത് കൈയില് പതിപ്പിച്ചിരിക്കുന്നത്.
സ്കോര്പിയോ ടാറ്റൂ
നവംബര് അഞ്ചിന് ജനിച്ച കോലി സ്കോര്പ്പിയനാണ്. വലതു കൈയുടെ ബൈസപ്പ്സിന് താഴെയായി സ്കോര്പിയോ ടാറ്റൂ ചെയ്തിട്ടുണ്ട്. പ്രതിസന്ധികളെയും വെല്ലുവിളികളെയും ധീരതയോടെ നേരിടാനുള്ള കരുത്ത് നല്കുന്നതിതിന്റെ പ്രതീകമായി പറയുന്നു.
പ്രേം, സരോജ്
മരിച്ചു പോയ പിതാവ് പ്രേം കോലിയുടയും മാതാവ് സരോജത്തിന്റെയും പേരുകളും പച്ചകുത്തിയിരിക്കുന്നു. പ്രേമാണ് മകനെ ക്രിക്കറ്റിലെത്തിച്ചത്. കോലി രാജ്യത്തിനായി കളിക്കുന്നത് അദ്ദേഹം സ്വപ്നം കണ്ടിരുന്നു. എന്നാല് കോലിയുടെ 18-ാം വയസില് അദ്ദേഹം മരിച്ചു.
അമ്മയാണ് കോലിയുടെ പ്രധാന സപ്പോര്ട്ട് സിസ്റ്റം. പിതാവിന്റെ വിയോഗ ശേഷം കോലിയെ തളരാതെ പിടിച്ചുനിര്ത്തിയതും അമ്മയായിരുന്നു. ഇരവരുടെയും പേരും താന് മരിക്കുന്നത് വരെ ഒപ്പം വേണമെന്ന് പറഞ്ഞാണ് അയാള് ശരീരത്തില് പച്ചകുത്തിയത്.
എകദിന ടെസ്റ്റ് ക്യാപ് നമ്പരുകൾ
ശ്രീലങ്കയ്ക്കെതിരെ ദാംബുള്ളയിലായിരുന്നു വിരാട് കോലിയുടെ ഏകദിന അരങ്ങേറ്റം. ഇന്ത്യയുടെ 175-ാമത്തെ കളിക്കാരനായിരുന്നു താരം.
ടെസ്റ്റില് വിന്ഡീസിനെതിരെ കിംഗ്സ്റ്റണിലായിരുന്നു വിരാടിന്റെ അരങ്ങേറ്റം. 269-ാമത്തെ താരമായിട്ടാണ് കോലി കളത്തിലിറങ്ങിയത്.
മോണാസ്ട്രി
ഇടതു തോളില് ബുദ്ധമഠത്തിന്റേ ടാറ്റുവും താരം പതിപ്പിച്ചിട്ടുണ്ട്. എപ്പോഴും ഏകാഗ്രതയോടെയും സമാധാനത്തോടെയു ഇരിക്കുന്നതിന് വേണ്ടിയാണിത്.
സമുറായി
ജപ്പാനീസ് സമുറായി ടാറ്റുവാണ് മറ്റൊരു പ്രധാന ടാറ്റു. ജീവിതത്തില് ലഭിച്ച എല്ലാ കാര്യവും പോരാടി നേടിയതാണെന്ന് ഉറപ്പിക്കുന്നതിന് വേണ്ടിയാണ് താരം അത്തരമൊരു ടാറ്റു ചെയ്തത്. സത്യസന്ധത, ബഹുമാനം, സൗമ്യത, ആത്മാര്ത്ഥ,ധൈര്യം എന്നിവയെല്ലാം പ്രതീകമാകുന്നതാണ് ഈ ടാറ്റു.
ദൈവത്തിന്റെ കണ്ണും ഒം ടാറ്റുവും
ദൈവം എപ്പോഴും നിങ്ങളെ കാണുന്നുണ്ട്. ഈ ഫിലോസഫിയാണ് താരത്തിന് ദൈവത്തിന്റ കണ്ണെന്ന ടാറ്റു ചെയ്യാന് പ്രചോദനം.ഇതിനൊപ്പം ഓം ടാറ്റുവും താരം ചെയ്തിട്ടുണ്ട്. ലോകത്ത് ജീവിതത്തിന്റെ സത്തയായി കണക്കാക്കപ്പെടുന്ന ഓമിനെയാണ് താരം ഇതിനൊപ്പം പതിപ്പിച്ചിരിക്കുന്നത്.
ജ്യോമെട്രിക് ഫ്ളവര്
വലതു കൈയിലെ ഏറ്റവും പുതിയ ടാറ്റൂ. ജ്യോമെട്രിക് ഫ്ളവര് ഡിസൈന്. ആത്മീയ യാത്രയുടെ ഓര്മപ്പെടുത്തല് എന്ന നിലയ്ക്കാണ് ഈ ടാറ്റു താരം ചെയ്തത്.
