ആത്മീയ ഗുരുവായ അവധൂത നാദാനന്ദജി മഹാരാജിനെ സന്ദർശിച്ച് അനുഗ്രഹം വാങ്ങി നടൻ മോഹൻലാൽ. ആന്ധ്രാപ്രദേശിലെ കുർണൂലിലെത്തിയാണ് അവധൂത നാദാനന്ദജി മഹാരാജിന്റെ അനുഗ്രഹം താരം തേടിയത്. എഴുത്തുകാരനും തിരക്കഥാകൃത്തുമായ ആർ.രാമാനന്ദിനൊപ്പമാണ് മോഹൻലാൽ കുർണൂലിലെത്തിയത്. അദ്ദേഹം തന്നെയാണ് ചിത്രങ്ങൾ സമൂഹമാദ്ധ്യമങ്ങളിൽ പങ്കുവച്ചിരിക്കുന്നതും.
കേരളത്തിലെ ഒരു നമ്പൂതിരി കുടുംബത്തില് ജനിച്ച് ഹിമാലയത്തിന്റെ ഉന്നതങ്ങളിലെത്തിയ മഹാസന്ന്യാസിയാണ് അവധൂത നാദാനന്ദജി മഹാരാജ്. തിരുവിതാംകൂറിലെ പുവപ്പള്ളി ഇല്ലത്താണ് അദ്ദേഹത്തിന്റെ ജനനം. പുവപ്പുള്ളി കൃഷ്ണൻ നമ്പൂതിരിയും ഗംഗാദേവിയുമാണ് മാതാപിതാക്കൾ. അവധൂത താരാ മയീയാണ് അദ്ദേഹത്തിന്റെ ആത്മീയ ഗുരു.
