ശ്രീനഗർ: തീവ്രവാദ സംഘടനകൾക്ക് ഫണ്ട് ലഭിക്കുന്നതുമായി ബന്ധപ്പെട്ട കേസിൽ ജമ്മു കശ്മീരിന്റെ വിവിധ ഭാഗങ്ങളിൽ പരിശോധന. അനന്ത്നാഗ്, പുൽവാമ, പൂഞ്ച് എന്നിവിടങ്ങളിലാണ് ഒരേസമയം സംസ്ഥാന അന്വേഷണ ഏജൻസി പരിശോധന നടത്തുന്നത്. തീവ്രവാദ സംഘടനകൾക്ക് സാമ്പത്തിക സഹായം ലഭിക്കുന്നതുമായി ബന്ധപ്പെട്ട കേസുകളിലാണ് നടപടി
ബുധനാഴ്ച പുലർച്ചെയാണ് റെയ്ഡുകൾ ആരംഭിച്ചത്. തീവ്രവാദവുമായി ബന്ധപ്പെട്ട കേസിൽ ജമ്മു കശ്മീർ പോലീസിന്റെ പ്രത്യേക അന്വേഷണ ഏജൻസി (എസ്ഐഎ) പരിശോധന നടത്തുകയാണെന്നും ഡിജിറ്റൽ ഉപകരണങ്ങളിൽ നിന്ന് തെളിവുകൾ ശേഖരിച്ചതായും എസ്ഐഎ ഉദ്യോഗസ്ഥർ പറഞ്ഞു.
കൂടുതൽ വിശദാംശങ്ങൾ പുറത്തുവന്നിട്ടില്ല.