എറണാകുളം: ഓടിക്കൊണ്ടിരുന്ന കാറിന് തീപിടിച്ചു. ആലുവ ബൈപ്പാസ് ഫ്ളൈ ഓവറിൽ ഇന്നലെ രാത്രി 8.00 മണിയോടെയാണ് സംഭവം. തൃശ്ശൂർ ഭാഗത്തേക്ക് പോയ വടുതല സ്വദേശികളായ ശശാങ്ക്, ശരത് എന്നിവർ സഞ്ചരിച്ച ഗ്ലോബൽ ഫിയസ്റ്റ കാറാണ് കത്തിയത്. പുക ഉയർന്നതോടെ വാഹനത്തിലുണ്ടായിരുന്നവർ മൊബൈലെടുത്ത് വേഗം പുറത്തിറങ്ങിയതിനാൽ വൻ അപകടം ഒഴിവായി.
കാറിൽ തീ ആളിപടർന്നതോടെ ഫയർഫോഴ്സിനെ വിവരമറിയിച്ചു. തുടർന്ന് ഫയർഫോഴ്സ് എത്തി തീ അണച്ചു. വാഹനം പൂർണ്ണമായി കത്തി നശിച്ചു. അതേസമയം അപകടത്തെ തുടർന്ന് മണിക്കൂറുകളോളം ദേശീയ പാതയിൽ ഗതാഗതക്കുരുക്ക് ഉണ്ടായി.