അഹമ്മദാബാദ്: ദീപാവലി ആഘോഷത്തിൽ ആരാധകരുടെ കൈയടി നേടി അഫ്ഗാനിസ്ഥാൻ താരം റഹ്മാനുള്ള ഗുർബാസ്. ഇന്നലെയാണ് ഗുജറാത്തിലെ തെരുവിൽ അന്തിയുറങ്ങുന്നവർക്ക് സമ്മാനവുമായി താരമെത്തിയത്. ഇന്നലെ പുലർച്ചെയാണ് കാറിൽ വന്നിറങ്ങിയ ഗുർബാസ് തെരുവിൽ കിടന്നുറങ്ങുന്നവർക്ക് ദീപാവലി ആഘോഷിക്കാൻ സമ്മാനമായി പണം നൽകിയത്. ഉറക്കത്തിലായിരുന്നവരെ ശല്യം ചെയ്യാതെ അവർക്കരികിൽ പണം വച്ചാണ് താരം മടങ്ങിയത്.
View this post on Instagram
“>
View this post on Instagram
ലോകകപ്പിൽ നിന്ന് പുറത്തായെങ്കിലും തലയെടുപ്പോടെയാണ് അഫ്ഗാൻ നാട്ടിലേക്ക് മടങ്ങുന്നത്. മുൻ ചാമ്പ്യൻമാരായ ഇംഗ്ലണ്ടിനെയും ശ്രീലങ്കയെയും പിന്തള്ളി നാലു വിജയങ്ങളും എട്ടു പോയിന്റുമായി ആറാം സ്ഥാനം സ്വന്തമാക്കിയ അഫ്ഗാൻ നെറ്റ് റൺ റേറ്റിൽ മാത്രമാണ് പാകിസ്താന് പിന്നിലായത്. മൈതാനത്തെയും പുറത്തെയും പെരുമാറ്റത്തിൽ ആരാധക മനം കവർന്ന താരങ്ങൾ അവരുടെ ഹൃദയം വിജയിച്ചാണ് മടങ്ങുന്നത്.