മലയാളത്തിന്റെ ശാലീന സുന്ദരിയായിരുന്ന പഴയകാല നടി ജലജയുടെ മകൾ നായികയാകുന്നു. ആസിഫ് അലി നായകനാകുന്ന ‘ഹൗഡിനി’ എന്ന ചിത്രത്തിലാണ് ജലജയുടെ മകൾ ദേവി നായികയാകുന്നത്. പ്രജേഷ് സെൻ സംവിധാനം ചെയ്യുന്ന ‘ഹൗഡിനി’ എന്ന ചിത്രത്തിൽ മജീഷ്യനായ നന്ദൻ എന്ന കഥാപാത്രത്തെയാണ് ആസിഫ് അലി അവതരിപ്പിക്കുന്നത്. നന്ദന്റെ ഭാര്യ മീനയായി ദേവി എത്തുന്നു.
‘അമ്മയെപ്പോലെ അഭിനേത്രിയാകണം’ എന്നാണ് തന്റെ ആഗ്രഹമെന്ന് ദേവി പറയുന്നു. ‘ദേവിക്ക് അഭിനയം താൽപര്യമാണങ്കിൽ ആ വഴി തിരഞ്ഞെടുക്കട്ടെ” എന്നാണ് ജലജ, മകളുടെ ആഗ്രഹത്തെക്കുറിച്ചു പറഞ്ഞത്. ചെറുപ്പം മുതൽ നൃത്ത പരിശീലനം നേടിയ ദേവി മികച്ച നർത്തകി കൂടിയാണ്.
അതേസമയം വിവാഹത്തോടെ അഭിനയരംഗം വിട്ട ജലജ മാലിക് എന്ന ചിത്രത്തിലൂടെയാണ് മടങ്ങിവരവ് നടത്തിയത്. ഈ ചിത്രത്തിൽ തന്നെ ശ്രദ്ധേയമായൊരു കഥാപാത്രത്തെ അവതരിപ്പിച്ച് കൊണ്ടാണ് ദേവിയും അഭിനയരംഗത്ത് ഹരിശീ കുറിച്ചത്.
