ഇസ്ലാമാബാദ് : ലോകകപ്പ് സെമിയില് ന്യൂസിലന്ഡിനെതിരെ മിന്നും വിജയമാണ് ഇന്ത്യ സ്വന്തമാക്കിയത് . ഇത് 4ാം തവണയാണ് ഇന്ത്യ ലോകകപ്പ് ഫൈനലിൽ എത്തുന്നത്. 12 വര്ഷത്തിന് ശേഷമാണ് ഏകദിന ലോകകപ്പില് ഇന്ത്യ ഫൈനലിലെത്തുന്നത് .
ഇന്ത്യക്കാരുടെയും ന്യൂസിലൻഡിന്റെയും ആരാധകരിൽ ആവേശം നിറച്ച മത്സരമായിരുന്നു കഴിഞ്ഞ ദിവസം നടന്നത് . എന്നാൽ പാകിസ്താൻ ക്രിക്കറ്റ് പ്രേമികളിൽ പലരും ഇന്നലെ മനസ് കൊണ്ട് കരയുകയായിരുന്നു . അത് ക്രിക്കറ്റ് ലോകകപ്പിൽ നിന്ന് പാകിസ്താൻ ടീം പുറത്തായത് കൊണ്ടല്ല, മറിച്ച് ഇന്ത്യ നന്നായി കളിക്കുന്നതും വിജയിക്കുന്നതും കണ്ടിട്ടായിരുന്നുവെന്ന് മാത്രം . അതിന് ഉദാഹരണമാണ് പാക് ടിക്ടോക്ക് താരവും , മാദ്ധ്യമപ്രവർത്തകയുമായ ഹരീംഷായുടെ ട്വീറ്റും, അതിന് ഇന്ത്യക്കാർ ഇപ്പോൾ നൽകുന്ന മറുപടിയും.
ഇന്ത്യയുടെ തോൽവിക്കായി പ്രാർത്ഥിക്കുന്ന ഹരീം ഷായുടെ ചിത്രങ്ങൾ സോഷ്യൽ മീഡിയയിൽ പ്രചരിച്ചിരുന്നു . വെള്ള ഹിജാബ് ധരിച്ച് നിസ്ക്കരിക്കുന്ന ചിത്രമാണ് ഹരീം ഷാ ട്വീറ്റ് ചെയ്തത് . ഒപ്പം “ഇൻഷാ അല്ലാഹ്, അല്ലാഹു എന്റെ പ്രാർത്ഥന കേൾക്കും, സെമിയിൽ ഇന്ത്യയ്ക്കെതിരെ ന്യൂസിലൻഡ് ജയിക്കണേ.” എന്നും ഹരീം ഷാ കുറിച്ചു.
എന്നാൽ ഹരീം ഷായുടെ പ്രാർത്ഥനയും , നിസ്ക്കാരവും ഫലിച്ചില്ലെന്ന് മാത്രമല്ല , ഇന്ത്യ അഭിമാനകരമായ നേട്ടം പടുത്തുയർത്തുകയും ചെയ്തു . ഇപ്പോൾ നിരവധി പേരാണ് ഹരീം ഷായെ പരിഹസിച്ച് രംഗത്തെത്തുന്നത് . നിങ്ങളുടെ പ്രാർത്ഥന അള്ളാഹു കേട്ടില്ലെന്നും , ഇനി ഫൈനലിനും ഇതേ രീതിയിൽ പ്രാർത്ഥിക്കൂവെന്നുമാണ് ചിലർ പറയുന്നത് . മറ്റ് ചിലരാകട്ടെ സ്വന്തം രാജ്യത്തിന്റെ പട്ടിണി മാറ്റാൻ ഈ സമയം കൊണ്ട് പ്രാർത്ഥിക്കൂവെന്നാണ് പറയുന്നത് .