ഹൈദരാബാദ്: ലോകകപ്പ് ടൂർണമെന്റിൽ ഇന്ത്യൻ ക്രിക്കറ്റ് ടീം കാഴ്ച വച്ച മികച്ച പ്രകടനത്തിന് ഇന്ത്യൻ പേസർ മുഹമ്മദ് സിറാജിനെ നേരിൽ കണ്ട് അഭിനന്ദിച്ച് ധനമന്ത്രി നിർമ്മല സീതാരാമൻ. തിങ്കളാഴ്ച ഹൈദരാബാദ് വിമാനത്താവളത്തിൽ വച്ചാണ് ഇരുവരും തമ്മിലുള്ള കൂടിക്കാഴ്ച നടന്നത്. ക്രിക്കറ്റ് ലോകകപ്പിൽ തോൽവി അറിയാതെ മികച്ച പ്രകടനം കാഴ്ച വച്ച ഇന്ത്യയ്ക്ക് ഓസ്ട്രേലിയയ്ക്കെതിരെ ഫൈനലിൽ കാലിടറുകയായിരുന്നു.
“ഇന്ത്യൻ ക്രിക്കറ്റ് താരം മുഹമ്മദ് സിറാജിനെ ഹൈദരാബാദിലെ രാജീവ് ഗാന്ധി ഇന്റർനാഷണൽ എയർപോർട്ടിൽ വച്ച് കണ്ടു. ഇപ്പോൾ സമാപിച്ച ലോകകപ്പിൽ ടീമിന് വേണ്ടി മികച്ച പ്രകടനം കാഴ്ച വച്ചതിൽ അദ്ദേഹത്തെ അഭിനന്ദിച്ചു”- എന്നാണ് ധനമന്ത്രി നിർമ്മല സീതാരാമന്റെ ഓഫീസ് പറഞ്ഞത്. ഇരുവരും തമ്മിലുള്ള ചിത്രങ്ങളും എക്സിൽ പങ്കുവെച്ചിട്ടുണ്ട്.
Smt @nsitharaman met Indian cricketer Shri Mohammed Siraj (@mdsirajofficial) at the Rajiv Gandhi International Airport in Hyderabad and congratulated him for the team’s stellar performance at the just concluded #CWC23.
The Hon’ble Finance Minister noted that the entire team… pic.twitter.com/agd9dstddD
— Nirmala Sitharaman Office (@nsitharamanoffc) November 20, 2023
“>
10 വിജയങ്ങളുമായി അപരാജിത കുതിപ്പ് തുടർന്ന ഇന്ത്യ, ഞായറാഴ്ച നടന്ന ഫൈനലിൽ ആറ് വിക്കറ്റിനാണ് ഓസ്ട്രേലിയയോട് പരാജയപ്പെട്ടത്. ഫൈനലിൽ പരാജയപ്പെട്ട ടീമിനെ പ്രധാനമന്ത്രിയും നേരിട്ടെത്തി ആശ്വസിപ്പിച്ചിരുന്നു. വരാനുള്ള മത്സരങ്ങളിൽ മികച്ച പ്രകടനം കാഴ്ച വയ്ക്കാൻ ടീമിന് ആത്മ വിശ്വാസവും നരേന്ദ്രമോദി പകർന്നു.