ഒരുകാലത്ത് മലയാളമടക്കമുള്ള തെന്നിന്ത്യൻ സിനിമകളിൽ തിളങ്ങി നിന്നിരുന്ന നായികയായിരുന്നു നന്ദിനി. അയാൾ കഥയെഴുതുകയാണ്, കരുമാടി കുട്ടൻ, ലേലം തുടങ്ങി നിരവധി ഹിറ്റ് സിനിമകളിൽ വളരെ മികച്ച പ്രകടനം തന്നെയായിരുന്നു നന്ദിനി കാഴ്ചവെച്ചത്. നിലവിൽ താരം മലയാള സിനിമയിൽ സജീവമല്ലെങ്കിലും മലയാളികൾക്ക് ഒരിക്കലും മറക്കാൻ കഴിയാത്ത ഒരു നായിക കൂടിയാണ് നന്ദിനി. എന്നാൽ തന്റെ വ്യക്തിപരമായ വിശേഷങ്ങളൊന്നും താരം അധികം ആരാധകരുമായി പങ്കുവെക്കാറില്ലായിരുന്നു. എന്നാൽ അടുത്തിടെ ഒരു അഭിമുഖത്തിലാണ് തന്റെ വിശേഷങ്ങൾ താരം പങ്കുവെച്ചത്.
43- വയസുകാരിയായ നന്ദിനി ഇതുവരെ വിവാഹം കഴിച്ചിട്ടില്ലെന്ന കാര്യം ആരാധകർക്ക് അറിയുന്നതാണ്. എന്നാൽ വിവാഹം കഴിക്കാത്തതെന്താണ് എന്ന ചോദ്യത്തിന് ഇപ്പോൾ മറുപടി പറഞ്ഞിരിക്കുകയാണ് നന്ദിനി. പ്രണയത്തകർച്ചയാണ് വിവാഹത്തിൽ നിന്നും തന്നെ പിൻവലിച്ചതെന്നായിരുന്നു താരത്തിന്റെ മറുപടി.
വിവാഹം, പ്രണയം എന്നിവയെ കുറിച്ചെല്ലാം അഭിമുഖങ്ങളിലും മറ്റും ചോദ്യങ്ങൾ വരാറുണ്ട്. ബന്ധുക്കളോ സുഹൃത്തുക്കളോ അതേപ്പറ്റി ചോദിക്കാറില്ല. ഞാൻ അതിനെ എല്ലാം കൂളായാണ് എടുക്കുന്നത്. തനിച്ചുള്ള ജീവിതത്തെയും ഞാൻ കൂളായി തന്നെയാണ് എടുത്തിരിക്കുന്നത്. വിവാഹം എന്നത് നടക്കേണ്ടതാണെങ്കിൽ നടന്നിരിക്കും. നല്ലൊരാളെ കിട്ടിയാൽ ഈ പ്രായത്തിലും വിവാഹം കഴിക്കാൻ തയ്യാറാണ്. തനിച്ച് ജീവിക്കുന്നതും നല്ല രസമുള്ള കാര്യമാണ്
‘എന്റെ പ്രണയം തകർന്നത് എന്നെ വല്ലാതെ വിഷമിപ്പിച്ചിരുന്നു. അതിൽ നിന്നും തിരിച്ചു വരാൻ എനിക്ക് ഒരുപാട് സമയം വേണ്ടി വന്നു. ആ വേദനയോട് ഞാൻ ഇപ്പോൾ യോജിച്ചു തുടങ്ങിയിരിക്കുന്നു. വീട്ടുകാരും ഒത്തിരി സപ്പോർട്ട് ചെയ്തു. ഒടുവിൽ തിരിച്ചെത്തുക തന്നെ ചെയ്തു. വേർപിരിയൽ തീരുമാനം രണ്ട് പേർക്കും ഗുണം ചെയ്തു. കാമുകനും താനുമായി ആറ് വയസ് വ്യത്യാസമുണ്ടായിരുന്നു. അക്കാലത്തൊക്കെ വിവാഹം കഴിഞ്ഞാൽ സിനിമയിൽ നിൽക്കുക കുറച്ച് ബുദ്ധിമുട്ടുള്ള കാര്യമാണ്. അഭിനയം എന്റെ പാഷനായിരുന്നു. അങ്ങനെ മുന്നോട്ട് പോയിക്കൊണ്ടിരുന്നപ്പോൽ കാമുകന് പ്രായം കൂടി വന്നു. കാത്തിരിക്കാൻ പിന്നെ പറ്റില്ലെന്ന അവസ്ഥ വന്നു. അതുകൊണ്ടായിരുന്നു പിരിയാം എന്ന തീരുമാനം എടുത്തത്. അല്ലെങ്കിൽ താൻ സിനിമയിൽ നിന്നും മാറി നിൽക്കേണ്ടി വരുമായിരുന്നു’ എന്നായിരുന്നു നന്ദിനിയുടെ വാക്കുകൾ.
