ചെന്നൈ: ടി20 ലോകകപ്പിന്റെ മുന്നൊരുക്കങ്ങളുടെ ഭാഗമായി വരുന്ന സീസണിൽ ഐപിഎല്ലിന്റെ ഭാഗമാകില്ലെന്ന് ഇംഗ്ലണ്ടിന്റെ സൂപ്പർ താരം ബെൻ സ്റ്റോക്സ്. ലീഗിൽ നിന്ന് പിന്മാറുന്ന സ്റ്റോക്സിന് സിഎസ്കെ പിന്തുണയറിയിച്ചിട്ടുണ്ട്. താരത്തിന്റെ പിന്മാറ്റം ചെന്നൈ സൂപ്പർ കിംഗ്സിന് സീസണിൽ വലിയ തിരിച്ചടിയാകാനും സാധ്യതയുണ്ട്. കഴിഞ്ഞ സീസണിൽ 16.25 കോടി മുടക്കിയാണ് സ്റ്റോക്സിനെ ചെന്നൈ സ്വന്തമാക്കിയത്.
സമ്മർദ്ദം കുറക്കുന്നതിന്റെ ഭാഗമായാണ് സ്റ്റോക്സ് ടൂർണമെന്റിൽ നിന്നും പിന്മാറിയത്. ടി20 ലോകകപ്പിനും ഇന്ത്യക്കെതിരായ ഇംഗ്ലണ്ടിന്റെ നിർണായക ടെസ്റ്റ് പരമ്പരയ്ക്കും മുന്നോടിയായാണ് താരത്തിന്റെ പിന്മാറ്റമെന്ന് റിപ്പോർട്ടുകൾ സൂചിപ്പിക്കുന്നു. സിഎസ്കെ ഔദ്യോഗികമായാണ് ആരാധകരെ ട്വിറ്ററിലൂടെ സ്റ്റോക്സിന്റ പിൻമാറ്റം അറിയിച്ചത്.