സ്റ്റേറ്റ് ബാങ്ക് ഓഫ് ഇന്ത്യയിൽ ക്ലറിക്കൽ കേഡറിലെ ജൂനിയർ അസോഷ്യേറ്റ് (കസ്റ്റമർ സപ്പോർട്ട് & സെയിൽസ്) തസ്തികയിൽ ഒട്ടനവധി വേക്കൻസി. 8540 വേക്കൻസികളാണ് ഇതുവരെ റിപ്പോർട്ട് ചെയ്തിരിക്കുന്നത്. യോഗ്യരായ ഉദ്യോഗാർത്ഥികൾക്ക് ഓൺലൈനായി ഡിസംബർ 7 വരെ അപേക്ഷിക്കാം. കേരളത്തിൽ ബാക്ലോഗ് വേക്കൻസിയടക്കം 58 ഒഴിവുണ്ട്. ഏതെങ്കിലും ഒരു സംസ്ഥാനത്തേക്ക് മാത്രമാണ് അപേക്ഷിക്കാൻ സാധിക്കുക.ആ സംസ്ഥാനത്തെ ഭാഷ എഴുതാനും വായിക്കാനും സംസാരിക്കാനും കഴിയണം.
ശമ്പളം: 17,900-47,920 രൂപ
യോഗ്യത (2023 ഡിസംബർ 31ന്): ബിരുദം
പ്രായം: 2023 ഏപ്രിൽ ഒന്നിന് 20-28 (പട്ടികവിഭാഗത്തിന് 5, ഒബിസിക്ക് 3, ഭിന്നശേഷിക്കാർക്ക് 10 എന്നിങ്ങനെ ഇളവ്. വിമുക്തഭടൻമാർക്കും ഇളവുണ്ട്).
തിരഞ്ഞെടുപ്പ്: ഓൺലൈനായി പ്രിലിമിനറി, മെയിൻ പരീക്ഷകളുണ്ട്. ജനുവരിയിൽ ഒരു മണിക്കൂറിന്റെ പ്രിലിമിനറി പരീക്ഷ. ഇംഗ്ലീഷ്, ന്യൂമെറിക്കൽ എബിലിറ്റി, റീസണിംഗ് വിഭാഗങ്ങളിൽ നിന്നുള്ള 100 ഒബ്ജക്ടീവ് ചോദ്യങ്ങളാണ് ഉണ്ടാകുക. കേരളത്തിൽ കണ്ണൂർ, കോഴിക്കോട്, മലപ്പുറം, പാലക്കാട്, തൃശൂർ, കൊച്ചി, കോട്ടയം, ഇടുക്കി, ആലപ്പുഴ, പത്തനംതിട്ട, കൊല്ലം, തിരുവനന്തപുരം എന്നിവിടങ്ങളിൽ പരീക്ഷാ കേന്ദ്രങ്ങളുണ്ട്. ഇംഗ്ലീഷിലും മലയാളത്തിലും ചോദ്യങ്ങളുണ്ട്.
ഒബ്ജെക്ടീവ് മാതൃകയിൽ തന്നെയാണ് ഫെബ്രുവരിയിലെ മെയിൻ പരീക്ഷയും നടക്കുക. പ്രാദേശിക ഭാഷാ ടെസ്റ്റുമുണ്ട്. 10/12 ക്ലാസ് വരെ പ്രാദേശികഭാഷ പഠിച്ചതിന്റെ സർട്ടിഫിക്കറ്റോ മാർക്ക് ഷീറ്റോ ഹാജരാക്കുന്നവർക്ക് ഇതു ബാധകമല്ല. തിരഞ്ഞെടുക്കപ്പെടുന്നവർക്ക് 6 മാസം പ്രാബേഷൻ കാലയളവാണ്.
ഫീസ്: 750 രൂപ ഓൺലൈനായി അടയ്ക്കണം. പട്ടികവിഭാഗ, വിമുക്തഭട, ഭിന്നശേഷി അപേക്ഷകർക്കു ഫീസില്ല.