ആ ഭാഗ്യ നമ്പർ ഇനി തന്റെ പ്രിയപ്പെട്ടതിനും; പുത്തൻ വാഹനത്തിന് ഏഴാം നമ്പർ നൽകി ധോണി

ക്രിക്കറ്റ് മാത്രമല്ല വാഹനങ്ങളും ധോണിയുടെ ഇഷ്ടങ്ങളാണ്. വ്യത്യസ്തമായ ബൈക്കുകളുടെയും കാറുകളുടെയും ശേഖരമാണ് ധോണിക്കുള്ളത്. ലാൻഡ് റോവർ, ഔഡി, ഹമ്മർ എച്ച് 2 എന്നിങ്ങനെ 15ഓളം ആഡംബര വിന്റേജ് കാറുകളും ഹാർലി ഡേവിഡ്‌സൺ, കവാസ്‌ക്കി നിഞ്ച, ഡ്യൂക്കാറ്റി ഉൾപ്പെടെ 70-ഓളം ബൈക്കുകളുമാണ് താരത്തിന്റെ ഗ്യാരേജിലുള്ളത്. അതിലേക്ക് താരം പുതുതായി സ്വന്തമാക്കിയ വാഹനമാണ് മെഴ്‌സിഡസ് എഎംജി ജി63.

വാഹനത്തിന്റെ ഏറ്റവും പുതിയ ചിത്രങ്ങളും വീഡിയോകളുമാണ് ഇപ്പോൾ സമൂഹമാദ്ധ്യമങ്ങളിൽ വൈറലായി കൊണ്ടിരിക്കുന്നത്. ഏഴാം നമ്പർ ജഴ്‌സിയിൽ മൈതാനത്ത് ഇറങ്ങിയ താരം അതേ ഏഴാം നമ്പർ തന്നെയാണ് പുത്തൻ വാഹനത്തിനും നൽകിയിരിക്കുന്നത്. അതുകൊണ്ട് ആരാധകരെല്ലാം ധോണിയുടെ പുതിയ വാഹനത്തിന്റെ വീഡിയോ ഏറ്റെടുത്തിരിക്കുകയാണ്. 3.5 കോടി രൂപ മതിപ്പുള്ള വാഹനത്തിന് മണിക്കൂറിൽ 220 കിലോമീറ്ററാണ് ഉയർന്ന വേഗത. 0-100 കിലോമീറ്ററിലെത്താൻ 4.5 സെക്കൻഡ് മതി.

MS Dhoni driving Mercedes G class 😎🔥

• Look at the 007 ❤️#Dhoni #MSDhoni
🎥 bajaj.sumeetkumar/IG pic.twitter.com/exkYQA22OF

— Ishan Joshi (@ishanjoshii) November 28, 2023