വിവാഹം സ്വർഗത്തിൽ വച്ച് നടക്കുന്നു എന്നാണല്ലോ പൊതുവെ പറയാറുള്ളത്. എന്നാൽ അതിൽ നിന്നും വ്യത്യസ്തമായി ആശുപത്രിയിൽ വച്ച് വിവാഹം നടത്തിയാൽ എങ്ങെനെയിരിക്കും? ഡൽഹി സ്വദേശി അവിനാശിന്റെ വിവാഹമാണ് ഇത്തരത്തിൽ ആശുപത്രിയിൽ വച്ച് നടത്തിയിരിക്കുന്നത്.
വിവാഹത്തിന് നാല് ദിവങ്ങൾ മാത്രം ബാക്കി നിൽക്കെയാണ് വരൻ അവിനാഷിന് ഡെങ്കിപ്പനി സ്ഥിരീകരിച്ചത്. ഇതോടെ വരനെ ഡൽഹിയിലെ വൈശാലി ആശുപത്രിയിൽ അഡ്മിറ്റ് ചെയ്യുകയായിരുന്നു. വിവാഹ ദിനത്തിന് മുമ്പ് ആശുപത്രിയിൽ നിന്നും വീട്ടിലേക്ക് തിരികെ എത്താൻ സാധിക്കുമെന്നാണ് കുടുംബം കരുതിയത്. എന്നാൽ രക്തത്തിലെ പ്ലേറ്റ്ലെറ്റുകളുടെ എണ്ണത്തിൽ വളരെയധികം കുറവ് സംഭവിച്ചതിനാൽ അവിനാഷിന്റെ സ്ഥിതി വീണ്ടും ഗുരുതരമായി തന്നെ തുടർന്നു. ഇതോടെ വിവാഹം മറ്റൊരു ദിവസത്തേക്ക് മാറ്റി വയ്ക്കാമെന്ന ആലോചനയും അവിനാഷിന്റെ കുടുംബം മുന്നോട്ട് വച്ചു. എന്നാൽ വധുവായ അനുരാധയുടെ വീട്ടിൽ വിവാഹത്തിന്റെ മുന്നൊരുക്കങ്ങൾ നടത്തിയതിനാൽ വിവാഹം പോലുള്ള മംഗള കാര്യങ്ങൾ മാറ്റി വയ്ക്കരുതെന്നായിരുന്നു കുടുംബത്തിന്റെ ആവശ്യം.
A couple got married at Max hospital in Vaishali, Ghaziabad. The groom was suffering from dengue and was admitted to the hospital on November 25 with his wedding due on Nov 27. The wedding took place as scheduled, but in the hospital. pic.twitter.com/8yEruMHyxB
— Piyush Rai (@Benarasiyaa) November 30, 2023
“>
രണ്ട് കുംടുംബത്തിന്റെയും നിസഹായാവസ്ഥ മനസിലാക്കിയ ആശുപത്രി അധികൃതർ നല്ലൊരു ആശയവുമായി പിന്നീട് രംഗത്ത് വരികയായിരുന്നു. വിവാഹം ആശുപത്രി ചട്ടങ്ങൾ പാലിച്ച് ഇവിടെ തന്നെ നടത്താം. വരനും വധുവും ഇവരുടെ മാതാപിതാക്കളുമടക്കം അടുത്ത ബന്ധുക്കൾ മാത്രം പങ്കെടുത്ത വിവാഹ ചടങ്ങ് അങ്ങനെ ആശുപത്രിയിൽ വച്ച് നടന്നു. വിവാഹം നടക്കാതെ പോവുമോ എന്നോർത്ത് ഭയന്നിരുന്നെന്നും എന്നാൽ ആശുപത്രിയിൽ വച്ച് മകന്റെ വിവാഹം നടത്താൻ സാധിച്ചെന്നും അവിനാശിന്റെ പിതാവ് പറഞ്ഞു. അവിനാശ് രോഗമുക്തനായ ശേഷം വിവാഹ സത്കാരങ്ങൾ ഒരുക്കാനാണ് കുടുംബത്തിന്റെ തീരുമാനം.