ന്യൂഡൽഹി : അമേരിക്കൻ റീട്ടെയിൽ സ്റ്റോർ ശൃംഖലയായ വാൾമാർട്ട് ഇന്ത്യയിൽ നിന്നുള്ള ഇറക്കുമതി വർധിപ്പിക്കുന്നു . ഒപ്പം ചൈനയിൽ നിന്നുള്ള ഇറക്കുമതി കുറയ്ക്കുകയും ചെയ്യുന്നു. വാൾമാർട്ട് മുമ്പ് ചൈനയിൽ നിന്ന് സാധനങ്ങൾ വാങ്ങി അമേരിക്കയിൽ വിറ്റിരുന്നു .
2023 ജനുവരി-ഓഗസ്റ്റ് കാലയളവിൽ 60% സാധനങ്ങൾ മാത്രമാണ് ചൈനയിൽ നിന്ന് വാൾമാർട്ട് വാങ്ങിയതെന്ന് അന്താരാഷ്ട്ര വാർത്താ വെബ്സൈറ്റ് റോയിട്ടേഴ്സിന്റെ റിപ്പോർട്ട് സൂചിപ്പിക്കുന്നു. 2018ൽ ഇത് 80 ശതമാനമായിരുന്നു. നേരെമറിച്ച്, ചരക്കുകളുടെ 25% ഇന്ത്യയിൽ നിന്ന് ഇറക്കുമതി ചെയ്തു. 2018-ൽ വാൾമാർട്ട് അതിന്റെ 2% സാധനങ്ങൾ മാത്രമാണ് ഇന്ത്യയിൽ നിന്ന് വാങ്ങിയത്.
വാൾമാർട്ട് ഉൾപ്പെടെയുള്ള പല ബഹുരാഷ്ട്ര കമ്പനികളും ചൈനയെ ആശ്രയിക്കുന്നത് കുറയ്ക്കാൻ ശ്രമിക്കുകയാണിപ്പോൾ . ഈ കമ്പനികൾക്ക്, ചൈനയ്ക്ക് പകരമായി ഇന്ത്യയാണ് ഏറ്റവും അനുയോജ്യമായ ഓപ്ഷൻ. ഇവിടെ നിന്ന് കയറ്റുമതി ചെയ്യുന്ന സാധനങ്ങൾക്ക് മറ്റ് രാജ്യങ്ങളെ അപേക്ഷിച്ച് വില കുറവാണ്.നിലവിൽ ഇന്ത്യയിൽ നിന്ന് 3 ബില്യൺ ഡോളറിന്റെ (ഏകദേശം 25,000 കോടി രൂപ) സാധനങ്ങൾ വാൾമാർട്ട് ഇറക്കുമതി ചെയ്യുന്നുണ്ടെന്ന് സ്ഥിതിവിവരക്കണക്കുകൾ വ്യക്തമാക്കുന്നു.
ഇത് ഇന്ത്യയുടെ മൊത്തം ചരക്ക് ഇറക്കുമതിയുടെ 0.6% ആണ്. വരും വർഷങ്ങളിൽ ഇന്ത്യയിൽ നിന്ന് പ്രതിവർഷം 10 ബില്യൺ ഡോളർ (ഏകദേശം 83,000 കോടി രൂപ) ഇറക്കുമതി ചെയ്യാനാണ് വാൾമാർട്ട് ലക്ഷ്യമിടുന്നത്.ഇന്ത്യയിൽ നിന്ന് ചരക്കുകൾ ഇറക്കുമതി ചെയ്യുന്നതിനാൽ, ഇന്ത്യയിലെ പ്രാദേശിക വ്യവസായവും കൂടുതൽ ശക്തമാവുകയാണ്.
