കുമ്പളങ്ങി നൈറ്റ്സിൽ സൗബിന്റെ ഭാര്യയായി അഭിനയിച്ച നടി ഷീല രാജ്കുമാർ വിവാഹമോചിതയാകുന്നു. എക്സിലൂടെ ആയിരുന്നു വിവാഹ ബന്ധം അവസാനിപ്പിക്കുന്നതായി താരം അറിയിച്ചത്. ഞാൻ വിവാഹ ബന്ധം ഉപേക്ഷിക്കുന്നു, നന്ദിയും സ്നേഹവും എന്നാണ് ഭർത്താവ് ആയ ചോളനെ ടാഗ് ചെയ്ത് നടി കുറിച്ചത്.
അഭിനയ ശിൽപശാല നടത്തുന്ന തമ്പി ചോളനാണ് ഷീലയുടെ ഭർത്താവ്. നടിയും ഭരതനാട്യം നർത്തകിയുമാണ് ഷീല രാജ്കുമാർ. വിവാഹമോചനത്തിന്റെ കാരണം വ്യക്തമാക്കിയിട്ടില്ല. ഇരുവരുടെയും വിവാഹം 2014 നായിരുന്നു കഴിഞ്ഞത്. ചോളൻ ഒരുക്കിയ ഹ്രസ്വചിത്രത്തിൽ അഭിനയിക്കുന്നതിനിടെയാണ് ഇരുവരും തമ്മിൽ പ്രണയത്തിലായത്. തുടർന്ന്, വീട്ടുകാരുടെ എതിർപ്പ് വകവെക്കാതെ വിവാഹം കഴിക്കുകയായിരുന്നു.
திருமண உறவிலிருந்து நான் வெளியேறுகிறேன்
நன்றியும் அன்பும் @ChozhanV— Sheela (@sheelaActress) December 2, 2023
ഷീല രാജ്കുമാർ 2016ല്‍ ആറാത്തു സിനം എന്ന ചിത്രത്തിലൂടെയാണ് അഭിനയ രംഗത്ത് എത്തുന്നത്. ടു ലെറ്റ് എന്ന ചിത്രമാണ് ഷീലയുടെ കരിയര്‍ മാറ്റിമറിച്ചത്. മലയാളത്തിൽ കുമ്പളങ്ങി നൈറ്റ്സിലായിരുന്നു ശ്രദ്ധേയമായ വേഷം ചെയ്തത്.
