ധനലക്ഷ്മി ബാങ്കിന്റെ 97-ാം വാർഷികം 2023 നവംബർ 30-ന് നവി മുംബൈ വാഷി ബ്രാഞ്ചിൽ വെച്ച് നടന്നു. അമൃതാനന്ദമയി മഠം സന്ന്യാസി അവ്യയാമൃതാനന്ദപുരി, ഫാദർ ജെയ്സൺ വടക്കേത്തല സിഎംഐ (ക്രൈസ്റ്റ് അക്കാദമി പ്രിൻസിപ്പൽ) , ശ്രീ.രാമചന്ദ്രൻ, കേളി കൾച്ചറൽ അസോസിയേഷൻ, മറ്റ് പ്രമുഖർ എന്നിവർ ചേർന്ന് വിളക്ക് തെളിയിച്ച് വാർഷിക ആഘോഷം ഉദ്ഘാടനം ചെയ്തു.
ശാഖാ മേധാവി ശ്രീമതി ഭാഗ്യലക്ഷ്മി സ്വാഗതം ചെയ്യുകയും ഉപഭോക്താക്കൾ നൽകുന്ന പിന്തുണയെക്കുറിച്ച് സംസാരിക്കുകയും ചെയ്തു. ചടങ്ങിൽ അദ്ധ്യക്ഷത വഹിച്ച റീജിയണൽ ഹെഡ്-വെസ്റ്റ്, ശ്രീ. സണ്ണി ജോർജ്ജ്, 1927 മുതലുള്ള ബാങ്കിന്റെ വളർച്ചയെക്കുറിച്ച് സംസാരിച്ചു. മഹാരാഷ്ട്രയിലും ഗുജറാത്തിലും ബാങ്ക് കൈവരിച്ച പുരോഗതിയെക്കുറിച്ചും അദ്ദേഹം ഊന്നിപ്പറഞ്ഞു. നല്ല ഉപഭോക്താക്കളും അർപ്പണബോധമുള്ള ജീവനക്കാരുമാണ് ബാങ്കിന്റെ മികച്ച മുന്നേറ്റത്തിന് കാരണമെന്ന് അദ്ദേഹം പറഞ്ഞു.