ഷൂട്ടിംഗിനിടെ നടി ഋതിക സിംഗിന് പരിക്ക്. റിതിക തന്നെയാണ് ഇക്കാര്യം സോഷ്യൽ മീഡിയയിലൂടെ ആരാധകരോട് പങ്കുവെച്ചത്. എന്നാൽ ഏത് സിനിമയുടെ ചിത്രീകരണത്തിനിടിടെയാണ് പരിക്കേറ്റത് എന്ന വിവരം താരം വെളിപ്പെടുത്തിയിട്ടില്ല. നിലവിൽ താരം രജനികാന്തിന്റെ തലൈവർ 170 എന്ന ചിത്രത്തിലും പേരിട്ടിട്ടില്ലാതെ മറ്റു രണ്ട് ചിത്രങ്ങളിലും അഭിനയിച്ചുകൊണ്ടിരിക്കുകയാണ്.
സമൂഹമാദ്ധ്യമമായ ഇൻസ്റ്റഗ്രാമിലൂടെയാണ് താരം അപകട വിവരം വെളിപ്പെടുത്തിയത്. ‘ഞാൻ ഒരു ചെന്നായയുമായി വഴക്കിട്ടു’ എന്നായിരുന്നു ചിത്രങ്ങൾ പങ്കുവെച്ച് താരം നൽകിയ അടിക്കുറിപ്പ്. രണ്ട് കൈകൾക്കും പരിക്കേറ്റെന്നും ആശുപത്രിയിൽ ചികിത്സ തേടിയതായും താരം പറഞ്ഞു.
ഷൂട്ടിംഗിനിടെ ഗ്ലാസ് തട്ടിയാണ് പരിക്കേറ്റതെന്ന് താരം ഒരു വീഡിയോയിൽ പറയുന്നുണ്ട്. ചിത്രീകരണത്തിനിടെ ശ്രദ്ധിക്കണമെന്ന് എല്ലാവരും പറഞ്ഞിരുന്നു. എന്നാൽ ഞാൻ ആ സമയത്ത് അശ്രദ്ധ കാണിച്ചു. പെട്ടെന്ന് എന്റെ നിയന്ത്രണം നഷ്ടപ്പെട്ടു. തുടർന്ന് ഗ്ലാസിൽ തട്ടി കൈ മുറിയുകയായിരുന്നെന്നും താരം പറഞ്ഞു.
ഇപ്പോൾ വേദന മാറി. എന്നാൽ ചില മുറിവുകൾ ആഴമുള്ളതാണ്. അതിനാൽ വേദനിക്കും എന്നത് ഉറപ്പാണ്. എന്നാൽ നാളെ മുതൽ ചിത്രീകരണം തുടരാൻ കഴിയുമെന്ന് ഉറപ്പുണ്ടെന്നും ഋതിക കൂട്ടിച്ചേർത്തു.
