ഐസ്വാൾ :സ്ക്വാഡ്രോൺ ലീഡർ മനീഷാ പാഥി ഇനി മുതൽ മിസോറാം ഗവർണറുടെ എഡിസി. ഈ സ്ഥാനത്തിലേക്ക് എത്തുന്ന ആദ്യ വനിതയാണ് മനീഷാ. ഇതിലൂടെ മറ്റൊരു ചരിത്ര നിമിഷത്തിനാണ് രാജ്യം സാക്ഷിയാകുന്നത്.
നവംബർ 29ന് രാജ്ഭവനിൽ നടന്ന ചടങ്ങിൽ വച്ച് മിസോറാം ഗവർണർ ഹരി ബാബു മനീഷയെ എഡിസി ആയി നിയോഗിച്ചുതുടർന്ന് പുതിയ എഡിസിയെ ഗവർണർ രാജ്ഭവനിലെ ഉദ്യോഗസ്ഥർക്ക് പരിചയപ്പെടുത്തി.
പ്രസിഡന്റ്,ഗവർണർ ,സൈന്യത്തിലെ ഉയർന്ന ഉദ്യോഗസ്ഥർ എന്നിവർക്ക് ഭരണ കാര്യങ്ങളിൽ സഹായം നൽകുക സർക്കാർ അതിഥികൾക്ക് അതിഥികൾക്ക് സഹായം ഉറപ്പ് വരുത്തുക എന്നിവയാണ് എഡിസിയുടെ ഉത്തരവാദിത്വം. എഡിസിയുടെ ചുമതല അലങ്കരിക്കുന്നതിന് മുൻപ് മനീഷാ പാഥി പൂന, ബിഡാർ, ഭാത്തിൻഡ എന്നിവടങ്ങളിലെ വിവിധ എയർഫോഴ്സ് സ്റ്റേഷനുകളിൽ ശ്രദ്ധേയമായ സേവനം അനുഷ്ടിച്ചിട്ടുണ്ട്. ചുമതലയിലേക്കേ് എത്തിയതിലൂടെ സുപ്രധാനമായ നാഴികക്കല്ലാണ് കടന്നിരിക്കുന്നത്
