ജനപ്രീതിയിൽ മുന്നിൽ തന്നെയുള്ള സമൂഹമാദ്ധ്യമ പ്ലാറ്റ്ഫോമാണ് എക്സ്. ആൻഡ്രോയിഡിലും ഐഫോണിലും ഒരുപോലെ ഉപയോഗിക്കാൻ കഴിയുന്ന ഈ പ്ലാറ്റ് ഫോം എന്നാൽ ഐഒഎസിൽ നൽകുന്ന പോലെ അപ്ഡേഷനുകൾ ആൻഡ്രോയിഡ് ഫോണുകൾക്ക് നൽകുന്നില്ല. നിലവിൽ നിരവധി ഉപഭോക്താക്കളാണ് പരാതിയുമായി രംഗത്തെത്തിയിരിക്കുന്നത്.
ഗൂഗിൾ പിക്സൽ ഫോണുകളിൽ എക്സ് പ്ലാറ്റ് ഫോമിന്റെ പ്രവർത്തനം മന്ദഗതിയിലാകുന്നുവെന്നാണ് ആരോപണം. ഒട്ടനവധി പേരാണ് ഇത്തരത്തിൽ ബുദ്ധിമുട്ട് അനുഭവിക്കുന്നത്. പരാതിയുടെ അടിസ്ഥാനത്തിൽ എക്സിലെ മൊബൈൽ ഡെവലപർ ടീമിലെ അംഗമായ ഫ്രെഡ് ലോഹനർ ഉപയോക്താക്കളോട് അവർ നേരിടുന്ന പ്രശ്നം വിശദീകരിക്കാൻ ആവശ്യപ്പെട്ടുകൊണ്ട് ഒരു പോസ്റ്റ് പങ്കുവച്ചിട്ടുണ്ട്.
മികച്ച നെറ്റ് വർക്കുള്ള സ്ഥലങ്ങളിൽ നിന്ന് പോലും എക്സ് ഓപ്പൺ ആകുന്നതിൽ പ്രശ്നം ഉണ്ട്, ചിത്രങ്ങളും മറ്റും പോസ്റ്റ് ചെയ്യുന്നതിൽ വേഗത കുറവാണ് എന്നിങ്ങനെ നിരവധി പരാതികളാണ് ആ പോസ്റ്റിന് മറുപടിയായി ആളുകൾ നൽകിയത്. ചില ആൻഡ്രോയിഡ് 14 ഉപയോക്താക്കൾക്കും ഈ പ്രശ്നം നേരിടുന്നുണ്ട്. ഇത് എക്സിനെ മാത്രം ബാധിക്കുന്ന ഒരു തരം ബഗ് ആണെന്നാണ് നിഗമനം. എക്സ് കമ്പനി പ്രശ്നത്തിന്റെ കാരണം അന്വേഷിക്കുന്നുണ്ട്.