ന്യൂഡൽഹി : ആൻ്റി സബ്മറൈൻ വാട്ടർക്രാഫ്റ്റ് പദ്ധതിയുടെ ഭാഗമായി രണ്ട് കപ്പലുകളുടെ നിർമ്മാണം ആരംഭിച്ചു. മാൽപെ, മുൽകി കപ്പലുകളുടെ നിർമ്മാണത്തിന് കൊച്ചിൻ ഷിപ് യാർഡിലാണ് തുടക്കമിട്ടത്. കീൽ-ലേയിംഗ് ചടങ്ങിൽ ചീഫ് ഓഫ് സതേൺ നേവൽ കമാൻഡന്റ് അടക്കമുള്ളവർ സന്നിഹിതരായിരുന്നു. മാഹി-ക്ലാസ് ഫ്ലീറ്റിന്റെ ഭാഗമായി നിർമ്മിക്കുന്ന ഈ കപ്പലുകളിൽ അണ്ടർ വാട്ടർ സെൻസറുകൾ തദ്ദേശീയമായാണ് വികസിപ്പിക്കുന്നതെന്ന പ്രത്യേകതയുണ്ട്. കപ്പൽ നിർമ്മിക്കാനുള്ള കരാർ 2019ലാണ് കൊച്ചിൻ ഷിപ്പിയാർഡിന് പ്രതിരോധ മന്ത്രാലയം നൽകിയത്. 2024ൽ നിർമ്മാണം പൂർത്തിയാക്കി നാവികസേനയ്ക്ക് കൈമാറും.
