രാജ്യത്തെ ഏറ്റവും വലിയ പൊതുമേഖല ബാങ്കാണ് സ്റ്റേറ്റ് ബാങ്ക് ഓഫ് ഇന്ത്യ. എന്നാൽ ബാങ്കിൽ ചെന്നും എടിഎം കൗണ്ടറിൽ ചെന്നും അക്കൗണ്ടിലേ ബാലൻസ് എത്രയെന്ന് തിരക്കുന്നവർ ഇന്നും ഒരുപാടുണ്ട്. യുപിഐ ആപ്പിലൂടെയും യോനോ എസ്ബിഐയിലൂടെയും ബാലൻസ് പരിശോധിക്കാം. പക്ഷേ ആ രണ്ട് മാർഗങ്ങൾ മാത്രമല്ല ഉള്ളത്. ടോൾ ഫ്രീ നമ്പർ, എസ്എംഎസ് ബാങ്കിംഗ്, എസ്ബിഐ ക്വിക്ക്, നെറ്റ് ബാങ്കിംഗ്, മൊബൈൽ ബാങ്കിംഗ്, എടിഎം തുടങ്ങി മാർഗങ്ങളിലൂടെയും ബാലൻസ് പരിശോധിക്കാൻ സാധിക്കും.
ടോൾ ഫ്രീ നമ്പർ
എസ്ബിഐയിൽ അക്കൗണ്ട് ഉള്ള വ്യക്തികൾക്ക് ബാങ്കിന്റെ എസ്എംഎസ് ബാങ്കിംഗ് സേവനങ്ങളുടെ സഹായത്തോടെ നിങ്ങളുടെ അക്കൗണ്ട് ബാലൻസ് പരിശോധിക്കാം. ഇതിനായി നിങ്ങൾ ഒരു മിസ്ഡ് കോൾ നൽകണം. അല്ലെങ്കിൽ ബാങ്കിൽ രജിസ്റ്റർ ചെയ്തിരിക്കുന്ന മൊബൈൽ നമ്പറിൽ നിന്ന് എസ്ബിഐയുടെ ബാലൻസ് അന്വേഷണത്തിനായുള്ള മൊബൈൽ നമ്പറിലേക്ക് മെസേജ് അയച്ചാൽ മിനിറ്റുകൾക്കകം ഫോണിൽ ബാലൻസ് വിവരങ്ങൾ ലഭിക്കും.
എസ്എംഎസ്
നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ നിന്ന് 09223766666 എന്ന നമ്പറിലേക്ക് ‘BAL’ എന്ന സന്ദേശം അയച്ചാലും ബാലൻസ് അറിയാൻ കഴിയും. മിനി സ്റ്റേറ്റ്‌മെന്റ് ലഭിക്കണമെങ്കിൽ, 09223866666 എന്ന നമ്പറിലേക്ക് ‘MSTMT’ എന്ന് എസ്എംഎസ് ചെയ്യാം.
നെറ്റ് ബാങ്കിംഗ്
നെറ്റ് ബാങ്കിംഗിനായി രജിസ്റ്റർ ചെയ്തിട്ടുണ്ടെങ്കിൽ നിങ്ങളുടെ ലോഗിൻ ഐഡിയും പാസ്വേർഡും ഉപയോഗിച്ച് അക്കൗണ്ട് ലോഗിൻ ചെയ്തും ബാലൻസ് അറിയാം
എസ്ബിഐ എസ്എംഎസ് സേവനം
ഇതുകൂടാതെ, എസ്എംഎസ് സേവനവും ഉപഭോക്താക്കൾക്ക് ഉപയോഗിക്കാം. ഇതിനായി, രജിസ്റ്റർ ചെയ്ത മൊബൈൽ നമ്പറിൽ നിന്ന്, REG അക്കൗണ്ട് നമ്പർ എഴുതി 09223488888 എന്ന നമ്പറിലേക്ക് എസ്എംഎസ് അയക്കുക. രജിസ്‌ട്രേഷൻ സ്ഥിരീകരിക്കാൻ എസ്ബിഐ നിങ്ങൾക്ക് ഒരു സന്ദേശം അയയ്‌ക്കും. ഇതിനുശേഷം ബാലൻസ് അറിയാൻ സാധിക്കും.
