അടുത്തിടെ നിരവധി ഫീച്ചറുകളാണ് വാട്സ്ആപ്പിലേക്ക് മെറ്റ അവതരിപ്പിച്ചത്. ഓരോ ഫീച്ചറും വാട്സ്ആപ്പിനെ കൂടുതൽ ജനപ്രിയമാക്കി. ഇപ്പോഴിതാ മെസേജ് പിൻ ചെയ്ത് വയ്ക്കാനാകുന്ന പുതിയ ഫീച്ചറാണ് വാട്സ്ആപ്പിൽ എത്തിയിരിക്കുന്നത്. ഫീച്ചർ നിലവിൽ വരുന്നതോടെ ഇനി ഉപയോക്താക്കൾക്ക് വ്യക്തിഗത ചാറ്റുകളിലെ മെസേജും ഗ്രൂപ്പുകളിലെ പ്രധാന സന്ദേശങ്ങളും ഉൾപ്പെടെ പിൻ ചെയ്ത് വയ്ക്കാനാകും.
പരമാവധി 30 ദിവസം വരെയാണ് ഇത്തരത്തിൽ സന്ദേശം പിൻ ചെയ്ത് വയ്ക്കാനാകുക.കൂടാതെ ഡിഫോൾട്ട് ഓപ്ഷൻ മോഡ് തിരഞ്ഞെടുത്തവർക്ക് ഏഴ് ദിവസം വരെയും പിൻ ചെയ്ത് വയ്ക്കാനാകും. ഇത് പ്രധാന സന്ദേശങ്ങൾ എളുപ്പത്തിൽ മനസിലാക്കാനാകും. ടെക്സ്റ്റ് മെസേജുകളും ചിത്രങ്ങളും ഇമോജികളും ഉൾപ്പെടെ എല്ലാം തന്നെ ഇത്തരത്തിൽ പിൻ ചെയ്ത് വയ്ക്കാം.
സന്ദേശങ്ങൾ ഏത് സമയപരിധി വരെ പിൻ ചെയ്ത് വയ്ക്കാനാകും എന്നത് ഉപയോക്താവിന് തീരുമാനിക്കാവുന്നതാണ്. അതായത് 24 മണിക്കൂർ, ഏഴ് ദിവസം, 30 ദിവസം എന്നിങ്ങനെ പിൻ ചെയ്ത് വയ്ക്കാനാകും. പിൻ ചെയ്ത് വയ്ക്കുന്നതിന്റെ ദൈർഘ്യം തിരഞ്ഞെടുക്കുന്നതിനായി ഇതിൽ തന്നെ ഓപ്ഷനുണ്ടാകും. ഗ്രൂപ്പ് ചാറ്റുകളിലാണ് സന്ദേശം പിൻ ചെയ്യുന്നത് എങ്കിൽ അഡ്മിനാകും ഇക്കാര്യം നിയന്ത്രിക്കുക. ഒന്നുകിൽ അഡ്മിന് മാത്രമോ അല്ലെങ്കിൽ അഡ്മിൻ തിരഞ്ഞെടുക്കുന്നവർക്ക് മാത്രമാകും പിൻ ചെയ്യാനാകുക.