ബോളിവുഡ് നടൻ ശ്രേയസ് തൽപഡേയെ ഹൃദയാഘാതത്തെ തുടർന്ന് ഇന്നലെയാണ് ആശുപത്രിയിൽ പ്രവേശിപ്പിച്ചത്. സിനിമ ചിത്രീകരണനത്തിനിടെയായിരുന്നു അത്യാഹിതം. ആശുപത്രിയിൽ പ്രവേശിപ്പിച്ച താരത്തിന് ആൻദിയോ പ്ലാസ്റ്റിയും ചെയ്തിരുന്നു. മുംബൈ വെസ്റ്റ് അന്ധേരിയിലെ ബെൽ വ്യൂ ആശുപത്രിയിലാണ് താരം ചികിത്സയിൽ കഴിയുന്നത്.
ബോളിവുഡിൽ ഹൃദയാഘാതത്തെ അതിജീവിക്കുന്ന ആദ്യ താരമല്ല ശ്രേയസ്. ആ ലിസ്റ്റിൽ സുസ്മിത സെൻ മുതൽ സെയ്ഫ് അലിഖാൻ വരെയുണ്ട്. ഇവരെക്കുറിച്ച് അറിയാം.സെലിബ്രറ്റി ഫാഷൻ ഡിസൈനർ രോഹിത് ബാലിനെ ഹൃദയാഘാതത്തെ തുടർന്ന് വെന്റിലേറ്ററിൽ പ്രവേശിപ്പിച്ചിരുന്നു. 2010 ഫെബ്രുവരിയിലായിരുന്നു ഇത്. ആൻജിയോ പ്ലാസ്റ്റിയും പൂർത്തിയാക്കിയിരുന്നു.
മുൻ മിസ് യൂണിവേഴ്സ് സുസ്മിത സെന്നും ഹൃദയാഘാതത്തെ അതിജീവിച്ചിരുന്നു. 2023 മാർച്ചിലായിരുന്നു ഇത്. ആര്യ എന്ന വെബ്സീരിസിന്റെ മൂന്നാം സീസൺ ചിത്രീകരിക്കുന്നതിനിടെ ജയ്പൂരിലായിരുന്നു ഇത്. ബോളിവുഡിലെ പ്രമുഖ കൊറിയോഗ്രാഫറും സംവിധായകനുമായ റെമോ ഡിസൂസയും 2020ൽ ഹൃദയാഘാതത്തെ അതിജീവിച്ചിരുന്നു. കക്കിലിയാബെൻ ആശുപത്രിയിൽ താരത്തെ ആൻജിയോ പ്ലാസ്റ്റിക്ക് വിധേയനാക്കിയിരുന്നു.
2022ൽ കോമേഡിയനായ സുനിൽ ഗ്രോവറും ഹൃദയാഘാതത്തെ തുടർന്ന് 4 ശസ്ത്രക്രിയക്ക് വിധേയനായിരുന്നു. മുംബൈയിലെ ഏഷ്യൻ ഹാർട്ട് ഇൻസ്റ്റിട്യൂട്ടിലായിരുന്നു ചികിത്സ.2007ൽ മുൻനിര നടൻ സെയ്ഫ് അലിഖാനും മൈനൽ അറ്റാക്കിനെ അതിജീവിച്ചിരുന്നു. മയോ കാർഡിയൽ ഇൻഫെക്ഷന് താരത്തിനുണ്ടായിരുന്നു. ഹൃദയത്തിലേക്ക് രക്തം എത്തുന്നത് കുറവായിരുന്നു. മുതിർന്ന നടി സൈറ ബാനുവിനെയും 2021ൽ ആശുപത്രിയിൽ പ്രവേശിപ്പിച്ചിരുന്നു. ദിലീപ് കുമാറിന്റെ മരണത്തിന് ഒരു മാസത്തിന് ശേഷമായിരുന്നു ഇത്.
