2024ലെ ഇന്ത്യൻ പ്രീമിയർ ലീഗിന്റെ 17-ാം സീസണിന് മുന്നോടിയായുള്ള താരലേലം ഡിസംബർ 19ന് ദുബായിൽ വച്ച് നടക്കും. ടീമുകൾ തങ്ങൾ നിലനിർത്തിയതും റീലിസ് ചെയ്തവരുടെയും പട്ടിക പുറത്ത് വിട്ടിട്ടുണ്ട്. 333 താരങ്ങൾക്ക് വേണ്ടിയുള്ള ലേലമാണ് ദുബായിൽ നടക്കുക. ലേലത്തിനുള്ള പട്ടികയിലുള്ള 333 കളിക്കാരിൽ 214 പേർ ഇന്ത്യക്കാരും 119 പേർ വിദേശ താരങ്ങളും ബാക്കി രണ്ട് അസോസിയേറ്റ് രാജ്യങ്ങളിൽ നിന്നുള്ളവരുമാണ്. മാത്രമല്ല, അടുത്ത ചൊവ്വാഴ്ച നടക്കുന്ന ലേലത്തിലുള്ള 116 പേർ അന്താരാഷ്‌ട്ര താരങ്ങളും 215 പേർ ആഭ്യന്തര ക്രിക്കറ്റ് കളിച്ചിട്ടുള്ളവരുമാണ്. ഐപിഎല്ലിൽ എതെങ്കിലും ടീം ലേലത്തിലെടുത്തേക്കാവുന്ന ആഭ്യന്തര യുവതാരം മുഷീർ ഖാനാണ്. താരത്തെക്കുറിച്ചുള്ള അഞ്ച് രസകരമായ വസ്തുതകൾ ഇതാ:
1. ലേലത്തിലെ ഏറ്റവും പ്രായം കുറഞ്ഞ താരങ്ങളിൽ ഒരാളാണ് മുഷീർ ഖാൻ
മുഷീർ ഖാൻ ഉൾപ്പെടെയുള്ള 19 വയസിന് താഴെയുള്ള 18 കളിക്കാരാണ് ഐപിഎൽ താരലേലത്തിനായുള്ള പട്ടികയിൽ ഇടംപിടിച്ചിരിക്കുന്നത്. 2005 ഫെബ്രുവരി 27-ന് ജനിച്ച താരം താരലേലത്തിലെ ഏറ്റവും പ്രായം കുറഞ്ഞ അഞ്ചാമത്തെ കളിക്കാരനാണ്.
2. സർഫറാസ് ഖാന്റെ സഹോദരനാണ് മുഷീർ ഖാൻ
ആഭ്യന്തര ക്രിക്കറ്റിൽ മുംബൈയ്‌ക്കായി മികച്ച പ്രകടനം കാഴ്ച വയ്‌ക്കുന്ന സർഫറാസ് ഖാന്റെ സഹോദരൻ കൂടിയാണ് താരം. വളരെ ചെറുപ്പത്തിൽ തന്നെ ക്രിക്കറ്റിലേക്ക് കടന്നുവന്നവരാണ് ഈ സഹോദരങ്ങൾ. രണ്ട് അണ്ടർ 19 ലോകകപ്പ് (2014, 2016) കളിച്ചിട്ടുള്ള ചുരുക്കം ചില ഇന്ത്യൻ കളിക്കാരിൽ ഒരാളാണ് സർഫറാസ്. 25 വയസ്സുകാരനായ സർഫറാസ് ഐപിഎല്ലിൽ പഞ്ചാബ് കിംഗ്‌സ്, റോയൽ ചാലഞ്ചേഴ്‌സ് ബാംഗ്ലൂർ, ഡൽഹി ടീമുകൾക്ക് വേണ്ടി കളിച്ചിട്ടുണ്ട്. പക്ഷേ ആഭ്യന്തര ക്രിക്കറ്റിലേത് പോലുള്ള പ്രകടനം ഐപിഎല്ലിൽ കാഴ്ചവയ്‌ക്കാൻ താരം ലേലത്തിന്റെ ഭാഗമാകുകയാണ്.
3. 2024 ലെ അണ്ടർ19 ക്രിക്കറ്റ് ലോകകപ്പ് ടീമിന്റെ ഭാഗമാണ് മുഷീർ ഖാൻ.
4. മൂന്ന് രഞ്ജി മത്സരങ്ങൾ കളിച്ചിട്ടുണ്ട്
18 വയസ്സിനുള്ളിൽ മുംബൈക്ക് വേണ്ടി മൂന്ന് രഞ്ജി മത്സരങ്ങൾ മുഷീർ ഖാൻ കളിച്ചിട്ടുണ്ട്. അഞ്ച് ഇന്നിംഗ്സുകളിൽ നിന്ന് 96 റൺസും 2 വിക്കറ്റും താരം നേടിയിട്ടുണ്ട്.
5. അവൻ ഒരു സാധ്യതയുള്ള മാച്ച് വിന്നർ ആണ്
്അണ്ടർ 19 വിനു മങ്ങാട് ട്രോഫിയിൽ 438 റൺസുമായി മത്സരത്തിലെ റൺവേട്ടക്കാരുടെ പട്ടികയിൽ നാലമതും 22 വിക്കറ്റുമായി വിക്കറ്റുവേട്ടയിൽ ഒന്നാമനുയിരുന്നു താരം.
