ക്രിക്കറ്റ് താരങ്ങളുടെ തലവരമാറ്റുന്ന ഐപിഎല്ലിന്റെ മിനി താരലേലം നാളെ ദുബായിൽ നടക്കും. 2024 സീസണിലെ മിനി ലേലത്തിൽ പത്തുടീമുകൾ കോടികൾ പൊടിക്കാൻ അവസരമുണ്ട്. പ്രാദേശിക താരങ്ങളുടേതടക്കം നിരവധി പേരുടെ ജീവിതങ്ങൾ മാറുന്ന വേദിക്ക് നാളെ ഉച്ച്ക്ക് ഒന്നിനാണ് അരങ്ങുണരുന്നത്. ലേലം എവിടെ എങ്ങനെ കാണാമെന്നതിനെക്കുറിച്ചുള്ള വിശദവിവരങ്ങൾ അറിയാം.
ദുബായിലെ കോക്കക്കോള അരീനയിലാണ് ലേലം നടക്കുക. പത്തുടീമുകളുടെ പ്രതിനിധികൾ പങ്കെടുക്കും.
സ്റ്റാർ സ്പോർട്സ് നെറ്റ്വർക്കുകളിലൂടെയാണ് ടെലിവിഷൻ തത്സമയ സംപ്രേഷണം. ഓൺലൈനായി ജിയോ സിനിമയിലൂടെയും താര ലേലം കാണാനാകും.
77 സ്ലോട്ടുകൾക്കായി അന്തിമ പട്ടികയിൽ ഇടംപിടിച്ചിരിക്കുന്ന് 333 താരങ്ങളാണ്. 30 സ്ലോട്ടുകൾ വിദേശ താരങ്ങൾക്ക് വേണ്ടിയാണ്. 214 ഇന്ത്യൻ താരങ്ങളും 119 വിദേശ താരങ്ങളും അസോസിയേറ്റ് രാജ്യങ്ങളിൽ നിന്ന് രണ്ടുപേരുമാണ് ലേലപട്ടികയിലുള്ളത്. 215 പേർ അൺക്യാപ്ട് താരങ്ങളാണ്.
ഗുജറാത്ത് ടൈറ്റൻസിനാണ് ഏറ്റവും അധികം തുക ചെലവഴിക്കാനാകുന്നത്. 38.15 കോടിയാണ് ഇവർക്ക് അവശേഷിക്കുന്നത്, എട്ടുപേരെ വാങ്ങാം. ലക്നൗവ് സൂപ്പർ ജയന്റ്സിന് 13.15 കോടിയുണ്ട്, രണ്ടു വിദേശ താരങ്ങളെയടക്കം ആറുപേരെ വാങ്ങാം.
