തിരുവനന്തപുരം: ഉത്സവകാലത്തോടനുബന്ധിച്ചുള്ള യാത്രാതിരക്ക് പരിഹരിക്കുന്നതിനായി ജനശതാബ്ദി എക്സ്പ്രസുകൾക്ക് അധിക കോച്ചുകൾ അനുവദിച്ച് റെയിൽവേ. ഡിസംബർ 22, 23, 24, 25, തീയതികളിലാണ് തിരുവനന്തപുരം- കോഴിക്കോട് (12076), കോഴിക്കോട്- തിരുവനന്തപുരം (12075) ജനശതാബ്ദി എക്സ്പ്രസ് ട്രെയിനുകൾക്ക് അധിക കോച്ച് അനുവദിച്ചിരിക്കുന്നത്.
തിരുവനന്തപുരം-കണ്ണൂർ (12082) ജനശതാബ്ദി എക്സ്പ്രസിന് ഡിസംബർ 20, 21, 22, 23, 24, 25, തീയതികളിലും കണ്ണൂർ- തിരുവനന്തപുരം ജനശതാബ്ദി എക്സ്പ്രസിന്(12081) 21, 22, 23, 24, 25, 26 തീയതികളിലുമാണ് അധിക കോച്ച് അനുവദിച്ചത്. ഓരോ ചെയർകാർ കോച്ച് വീതമാണ് എല്ലാ ട്രെയിനുകളിലും അധികമായി അനുവദിച്ചിരിക്കുന്നത്.
